fbpx

Ви ја претставуваме можноста за самостојно земање примерок за ХПВ тест во домашни услови со Evаlyn brush. За сите оние дами кои сакаат да ја избегнат непријатноста од преглед кај гинеколог, кои немаат време да закажат термин кај својот доктор, но сакаат веднаш да се тестираат за HPV, сега имаат можност лесно, безбедно и едноставно да го направат тестирањето.

Благодарение на уникатниот дизајн на четката Evalyn, се гарантира доволно и точно земање вагинален клеточен материјал со 99.8% точност како примерок земен од страна на доктор/гинеколог. Четката се користи во 53 земји во светот, отсега за првпат и во нашата земја, достапна во Авицена Лабораторија.  

Се што треба да направите е да ја посетите најблиската Авицена лабораторија, да го подигнете комплетот Evalyn, да земете примерок сами следејќи ги упатствата и да го донесете за обработка во Авицена Лабораторија. Со направен ХПВ тест во Авицена Лабораторија, можете да откриете 28 типови на ХПВ (19 високоризични типови и 9 нискоризични) да го детектирате вашиот ризик за ракот на грлото на матката во рана фаза, и да побарате навремен третман.

Хуман папиломавирус (ХПВ) е најчеста сексуално пренослива инфекција и водечка причина за рак на грлото на матката кај жените. Инфекциите со ХПВ често се асимптоматски и можат да останат „тивки“ многу години пред да почнат да се манифестираат со било какви симптоми. Ова е особено опасно бидејќи, без да имате било какви симптоми може да настанат промени во вашите цервикални клетки, што може да доведе до рак на грлото на матката.

Најдобар начин за спречување на болеста и рано откривање на ракот на грлото на матката е редовниот скрининг за ХПВ вирус. Прочитајте подетално за Evalyn и разгледајте го упатството за употреба на следниот линк.

Ако неодамна сте направиле крвна слика за да проверите дали имате недостаток на железо или размислувате да направите крвна слика поради сомнеж за недостаток на железо, можеби сте малку збунети доколку вашиот доктор сугерира да го проверите и биомаркерот Феритин. Зошто се користи овој биомаркер и како се поврзува со железото?

Која е разликата помеѓу феритин и железо?

Феритинот е крвен протеин и е главниот протеин задолжен за складирање на железо. Феритинот го задржува железото и го ослободува кога на телото му е потребно. Железото е метал – елктролит што во голем дел се наоѓа во црвените крвни зрнца и е клучен за транспортирање на кислород низ телото. Феритинот е добар показател за тоа колку железо се складира во вашето тело, дали има резерва, а при ниски нивоа може да укаже на анемија поради недостаток на железо.

Приближно една четвртина од вкупното железо во телото се складира како феритин. Феритинот има витална функција во апсорпцијата, складирањето и ослободувањето на железото. Најголемата количина на феритин се наоѓа во црниот дроб, но може да биде присутен и во слезината, коскената срцевина и мускулите.

Феритинот е еден од најдобрите показатели за недостаток на железо!

Со проценка на нивоата на феритин во телото, можете јасно да препознаете дали можеби имате недостаток на железо или дури имате зголемени нивоа. Ако со направен тест за феритин се покажува ризик од дефицит (недостаток) на железо, вашиот лекар може да предложи дополнителни тестови, вклучително и тест трансферин и серумско железо.

Кои се нормалните нивоа на феритин?

Нормалните нивоа на феритин кај мажите се помеѓу 12 – 291 ng/ml

Нормалните нивоа на феритин кај жените се помеѓу 10 и 290 ng/ml

Кај деца до 5 години: 12 – 291ng/ml за деца од 5 – 12 години : 15 – 322 ng/ml

Ако вашите нивоа се под 10 ng/ml (женски) или 22 ng/ml (машки), може да имате ризично ниски нивоа на железо. Оваа состојба може да укажува на феродефицитна анемија. Задолжително консултирајте се со вашиот доктор.

Важно е да се напомене дека нивото на феритин може да се зголеми во одредени услови, вклучувајќи:

  • Воспаление
  • Заболување на црниот дроб
  • Малигнитет
  • Терапија со препарати или додатоци (суплементи) на железо
  • Значително уништување на ткивото

Во овие случаи, зголемените нивоа на феритин не се реален одраз на резервите на железо во телото.

Недостатокот на железо обично се јавува поради зголемени потреби или притисок врз телото. На пример:

  • Спортска активност со високи перформанси
  • Вегетаријанска/веганска исхрана со ограничено снабдување со железо
  • Бременост
  • Зголемена загуба на крв на пр. менструација

До 20% од жените со менструација имаат недостаток на железо, а до 5% имаат анемија поради дефицит на железо.

Дали ниското ниво на феритин ве прави анемични?

Бидејќи феритинот е протеин за складирање на железо, ниските нивоа на феритин не се причина за анемија, наместо тоа, ниските нивоа на железо укажуваат – предупредуваат за дефицит на железо или анемија со дефицит на железо. Меѓутоа, бидејќи нивоата на феритин во крвта се директно пропорционални со резервите на железо во телото, феритинот е добар показател за состојбата.

Симптоми на висок феритин

Исто така, можно е да се појави и вишок железо. Тестот за феритин се користи во комбинација со други тестови за проверка на преоптоварување со железо. Високите нивоа на феритин се земаат предвид кога нивоата во крвта се поголеми од 290 – 300 ng/ml.

Симптоми при високи нивоа на феритин

Една состојба која може да резултира од таложење на железо е хемохроматоза која е најчесто наследна состојба и се јавува во текот на многу години. Железото полека се акумулира во телото и предизвикува непријатни симптоми како што се:

  • Мускулна слабост
  • Необјаснето губење на тежината
  • Абдоминални болки
  • Губење на влакна на телото
  • Болки во зглобовите
  • Намалено либидо
  • Жените може да имаат неправилни менструации
  • На мажите може да им биде тешко да постигнат или одржат ерекција

Ако не се лекува, состојбата може да ги оштети зглобовите, како и органите како што се срцето, црниот дроб и панкреасот.

Подобрување на исхраната со железо

Постојат три фактори кои треба да се земат предвид кога сакате да ја подобрите вашата исхрана со железо:

  • Количината на железо
  • Квалитетот на железото
  • Состав на вашата исхрана

Заклучок

Феритинот е крвен протеин кој складира железо и е добар показател за тоа колку железо е присутно во телото. Количината на феритин присутно во крвта ја одразува вкупната количина на железо достапно за телото за идна употреба. Феритинот ослободува железо бидејќи е потребно од телото за многу функции, вклучително и производство на нови црвени крвни зрнца. Симптомите на ниско ниво на феритин вклучуваат замор, слабост, вртоглавица, отежнато дишење и главоболки. Додека, симптомите на високо ниво на феритин вклучуваат замор, абдоминална болка, необјаснето губење на тежината, болки во зглобовите и слабост.

Ако не постојат основни здравствени состојби кои предизвикуваат ниски нивоа на феритин, тогаш подобрувањето на вашата исхрана може да помогне да се подобри нивото на железо и апсорпцијата на железото од телото.

Во нашите лаборатории можете да направите проверка на нивото на Феритин во крвта.

Цена: 840 денари

Издавање резултати за 1-2 часа

Без закажан термин

Примерок: крв

*Феритинот се одредува во лабораториски услови наутро со примерок од венска крв. Правилната подготовка е од суштинско значење за сигурни и точни резултати. Примерокот треба да се земе наутро 10-12 часа после последниот оброк. Интензивна физичка активност треба да се избегнува пред земање примероци од крв бидејќи тоа може да го зголеми нивото на феритин. Алкохолот, храната богата со железо и масна храна непосредно пред земање примерок исто така може да бидат причина за покачено ниво на феритин во крвта.

Исто така имајте на ум дека нивото на феритинот во периодот кога пациентот има воспалителен процес, покачена телесна температура,како и кога пациентот е на терапија со препарати од железо, може да биде различно од реалната количина на феритин во крвта, бидејќи сите овие процеси можат да влијаат на резултатите од анализата на феритин.

Напомена: референтните вредности се изназени во мерна единица ng/ml и одговараат само за нашата лабораторија. Избегнувајте да ги споредувате резултатите од различни лаборатории и да ги толкувате сами. Резултатите секогаш треба да се толкуваат од страна на вашиот матичен лекар.

Сакаме да ве известиме дека во нашите лаборатории се достапни повеќе молекуларни RT-PCR тестови за детекција на Bordetella pertussis, предизвикувач на болеста таканаречена „Голема кашлица“.

  • Врши детекција на Bordetella species со диференцијација на Bordetella pertussis и Bordetella bronchiseptica со Real-Time PCR метода
  • Тестот се изработува преку брис од грло и нос
  • Време на издавање резултати: 24 часа
  • Без закажан термин достапен во сите наши лаборатории.

Цена: 850 денари

  • Тестот се изработува преку брис од грло и нос
  • Време на издавање резултати: 24 часа
  • Без закажан термин достапен во сите наши лаборатории.

Тестот ги опфаќа следните причинители:

  1. Bordetella parapertussis
  2. Bordetella pertussis
  3. Chlamydophila pneumoniae
  4. Haemophilus influenzae
  5. Legionella pneumophila
  6. Mycoplasma pneumoniae
  7. Streptococcus pneumoniae

Цена: 1500 денари

  1. Influenza A virus (Flu A) 
  2. Influenza A-H1 (Flu A-H1)
  3. Influenza A-H1pdm09 (Flu A-H1pdm09) 
  4. Influenza A-H3 (Flu A-H3) 
  5. Influenza B virus (Flu B) 
  6. Respiratory syncytial virus A (RSV A) 
  7. Respiratory syncytial virus B (RSV B)
  8. Adenovirus (AdV)
  9. Enterovirus (HEV)
  10. Metapneumovirus (MPV)   
  11. Parainfluenza virus 1 (PIV 1)   
  12. Parainfluenza virus 2 (PIV 2)   
  13. Parainfluenza virus 3 (PIV 3)  
  14. Parainfluenza virus 4 (PIV 4)  
  15. Bocavirus 1/2/3/4 (HBoV)
  16. Coronavirus 229E (229E)   
  17. Coronavirus NL63 (NL63)   
  18. Coronavirus OC43 (OC43)   
  19. Human rhinovirus (HRV)   
  20. Bordetella parapertussis (BPP)   
  21. Bordetella pertussis (BP)   
  22. Chlamydophila pneumoniae (CP)   
  23. Haemophilus influenzae (HI)   
  24. Legionella pneumophila (LP)
  25. Mycoplasma pneumoniae (MP)   
  26. Streptococcus pneumoniae (SP)

Цена: 3200 ден. Време на издавање резултати: 24 часа

  1. Influenza A virus
  2. Influenza A-H1
  3. Influenza A-H1pdm09
  4. Influenza A-H3
  5. Influenza B virus
  6. Respiratory syncytial virus A
  7. Respiratory syncytial virus B
  8. Adenovirus
  9. Enterovirus
  10. Metapneumovirus
  11. Parainfluenza virus 1
  12. Parainfluenza virus 2
  13. Parainfluenza virus 3
  14. Parainfluenza virus 4
  15. Bocavirus 1/2/3/4
  16. Coronavirus 229E
  17. Coronavirus NL63
  18. Coronavirus OC43
  19. Human rhinovirus
  20. Bordetella parapertussis
  21. Bordetella pertussis
  22. Chlamydophila pneumoniae
  23. Legionella pneumophila
  24. Mycoplasma pneumoniae
  25. Streptococcus pneumoniae
  26. Streptococcus beta haemolyticus gr A
  27. Streptococcus beta haemolyticus gr B
  28. Streptococcus beta haemolyticus gr C
  29. Streptococcus beta haemolyticus gr F
  30. Streptococcus beta haemolyticus gr G
  31. Haemophilus influenza
  32.  Haemophilus parainfluenzae
  33. Staphylococcus aureus
  34. Staphylococcus aureus meticillin rezistenten (MRSA)
  35. Moraxella catarrhalis
  36. Klebsiella pneumoniae
  37. Pseudomonas aeruginosa
  38. Candida albicans
  39. Candida species
  40. Aspergillus species

Цена: 3600ден. Време на издавање резултати: 48 часа

Доколку имате респиратрни симптоми, кашлица или било каков сомнеж, овие панели покрај причинителите на „Голема кашлица“ детектираат и останати 40 вирусни и бактериски причинители на респираторни инфекции.

Сексуално преносливите болести претставуваат група на заболувања кои доколку не се дијагностицираат и третираат навремено и правилно, може да доведат до компликации како што се неплодност, екстраутерина бременост или сериозни последици врз бременоста или новороденчињата.

Chlamydia trachomatis

Хламидиите се грам-негативни, неподвижни бактерии кои не се во можност сами да синтетизираат АТП и затоа постојат како задолжителни интрацелуларни паразити во еукариотските клетки. Постојат четири познати видови на кламидија: C. trachomatis, C. psittaci, C. pecorum и C. Pneumoniae.

Денес, C. trachomatis се смета за втор најчест предизвикувач на сексуално-преносливи болести со околу 89,1 милиони инфекции ширум светот секоја година.

Секоја година се регистрираат околу 3 милиони случаи во САД. Познато е дека C. trachomatis може да предизвика цервицитис, аднекситис, неонатален конјунктивитис, неонатална пневмонија, уретритис, епидидимитис и проктитис. Покрај тоа, C. trachomatis е најчеста причина за негонореален уретритис кај мажи (околу 25 – 55% од случаите).

Нелекуваните хламидијални инфекции кај жени може да доведат до сериозни последици. Бидејќи приближно три четвртини од овие инфекции се асимптоматски, остануваат многу случаи кои се непрепознаени и нетретирани, што предизвикува дополнителни проблеми особено кај бремените жени. Новородените деца на жени заразени со хламидија имаат висок ризик конјунктивитис и пневмонија.

Neisseria gonorrhoeae

Neisseria gonorrhoeae (гонокок) е патоген што предизвикува гонореја. N. gonorrhoeae е генетски тесно поврзана со N. Meningitidis (менингокок), причина за еден вид бактериски менингитис. Двете бактерии, инфицираат само луѓе. Покрај тоа, има различни видови на Neisseria кои припаѓаат на нормалната човечка флора; тука спаѓаат N. cinerea, N. elongata, N. flavescens, N. mucosa, N. sicca и N. subflava. Инфекциите со N. gonorrhoeae се трета најчеста причина за сексуално- преносливи болести. Во светот годишно се пријавуваат околу 62,2 милиони случаи на гонореја. Кај мажите, оваа болест генерално предизвикува уретритис на долна уретра со гноен исцедок. Кај жените, болеста обично е локализирана во цервикалната област, но исто така може да бидат зафатени вагината и матката.

Сексуално преносливи микоплазми

Микоплазмите се најмалите микроорганизми кои самостојно се реплицираат (дијам. 300-800 nm, во зависност од обликот на клетката). Бидејќи немаат клеточен sид, тие се отпорни на многу антибиотици, имаат многу променлива форма и тешко е да се идентификуваат со употреба на техники на боење.

Некои видови се јавуваат како животински и човечки паразити и се размножуваат во овие домаќини. Најважни видови човечки патогени се Mycoplasma hominis, Ureaplasma urealyticum и Mycoplasma genitalium, покрај Mycoplasma pneumoniae. Тие ја колонизираат мукоза на урогениталниот тракт и се извор на различни болести кога ќе се намножат. Организми од видот Mycoplasma hominis, Mycoplasma genitalium и Ureaplasma Urealyticum се чести предизвикувачи на сексуално-преносливи болести кај мажи и жени. Асимптоматските инфекции се чести кај жените, додека кај 70% од мажите се јавуваат симптоми како што се болести на уретрата, дизурија, иритација на пенисот и знаци на епидидимитис или простатитис.

Следниве нарушувања предизвикани од микоплазми и уреаплазми досега биле идентификувани кај жени:

Воспаление на мочниот меур (циститис), воспаление на уретрата (уретритис), воспаление на бубрезите и бубрежната карлица (пиелонефритис), воспаление на вагината (вагинитис, колпит), воспаление на цервикалната мукоза (цервицитис), воспаление на матката цевка (салпингитис), воспаление на јајцеводите и јајниците (аднекситис), воспаление на сврзното ткиво на карлицата и мукозата на матката (параметритис и ендометритис).

Кај мажите, инфекции со микоплазма и уреаплазма може да доведат до воспаление на уретрата (уретритис) и простата (простатитис).

Кај двата пола, ваквите инфекции можат да предизвикаат неплодност. Покрај тоа, Mycoplasma hominis и Уреаплазма уреалитикум може да предизвикаат постпартална пневмонија, менингитис и апсцес кај новороденчиња.

Treponema pallidum

Treponema pallidum subsp. pallidum припаѓа во група Спирохети и е предизвикувач на сифилис. Бактеријата е приближно 5 – 15 μm во должина и 0,2 μm ширина, со спирален облик.

Сифилис се јавува само кај луѓе и се пренесува со сексуален контакт, преку крв или интраутерино од мајка на дете.

Инфекцијата со T. pallidum напредува низ неколку фази доколку не се лекува: Примарна, секундарна, латентна и терцијарна фаза. Примарната инфекција се јавува во лезија на шанкр на местото каде што бактериите продираат во епителните клетки. Потоа, може да следи и зафаќање на повеќе системи. Ако се развие воспалителна реакција (доцен или терцијарен сифилис),може да се појават „гумозни” лезии на кожата. Во оваа фаза, T. pallidum исто така може да влијае на кардиоваскуларниот систем и централниот нервен систем (невросифилис).

Во Авицена Лабораторија се достапени два вида високосензитивни тестови за детекција на причинители на сексуално-преносливи инфекции:

Примерок: уретрален, ректален, анален, вагинален, цервикален или фарингeален брис.

Цена на тестот: 4200,00 денари

Време на издавање резултат: 1 час*

Потребен примерок: брис од цервикс или брис од уретра

Време на издавање резултати: 1 работен ден

Цена: 5000 денари

Кортизол – „хормон на стрес“

Кортизолот е гликокортикоиден хормон што го произведуваат и ослободуваат надбубрежните жлезди. Кортизолот е есенцијален хормон кој влијае на речиси секој орган и ткиво во човечкото тело. Тој игра многу важни улоги, вклучувајќи:

  • Регулирање на одговорот на организмот на стрес  
  • Помага во контрола на искористувањето на мастите, протеините и јаглените хидрати
  • Намалување на воспалението
  • Регулирање на крвниот притисок
  • Регулирање на шеќерот во крвта
  • Помага во контролирање на циклусот на спиење

Нашето тело постојано го следи нивото на кортизол за да одржува стабилни нивоа. Повисоко од нормалното или пониско од нормалното ниво на кортизол може да биде штетно за здравјето.

Што прави кортизолот во нашиот организам?

Речиси сите ткива во нашето тело имаат гликокортикоидни рецептори. Поради ова, кортизолот може да влијае на речиси секој органски систем ,вклучувајќи:

Регулирање на одговорот на стресот во нашето тело: за време на стрес, организмот може да ослободи кортизол откако ќе ослободи и други хормони (како што е адреналинот), така што организмот е во состојба на висока готовност. Покрај тоа, кортизолот предизвикува ослободување на гликоза (шеќер) од црниот дроб за брза енергија за време на стрес.

Регулирање на метаболизмот: Кортизолот помага да се контролира како организмот ги користи мастите, протеините и јаглехидратите за енергија.

Супресија на воспалението: Со кратки изливи, кортизолот може да го зајакне имунитет со ограничување на воспалението. Меѓутоа, доколку има постојано високи нивоа на кортизол, организмот може да се навикне да има премногу кортизол во крвта, што може да доведе до воспаление и ослабен имунолошки систем.

Регулирање на крвниот притисок: Покачените нивоа на кортизол може да предизвикаат висок крвен притисок, а пониските од нормалните нивоа на кортизол може да предизвикаат низок крвен притисок.

Зголемување и регулирање на шеќерот во крвта: Во нормални околности, кортизолот има спротивен ефект на инсулинот, хормон што го произведува панкреасот, за да го регулира шеќерот во крвта. Кортизолот го зголемува шеќерот во крвта со ослободување на складираната гликоза, додека инсулинот го намалува шеќерот во крвта. Имајќи хронично високи нивоа на кортизол може да доведе до постојано висок шеќер во крвта (хипергликемија). Ова може да предизвика дијабетес тип 2.

Помага да се контролира циклусот сон-будност: Во редовни околности, имаме пониски нивоа на кортизол навечер кога одиме на спиење и максимални нивоа наутро непосредно пред да се разбудиме. Ова сугерира дека кортизолот игра значајна улога во започнувањето на будноста и игра улога во деноноќниот ритам на вашето тело.

Оптималните нивоа на кортизол се неопходни за одржување на неколку телесни функции. Ако во организмот има постојано високи или ниски нивоа на кортизол, тоа може да има негативно влијание врз целокупно здравје.

За да постојат оптимални нивоа на кортизол во нашето тело, сите жлезди -хипоталамус, хипофизата и надбубрежните жлезди мора да функционираат правилно.

Дали кортизолот е хормон на стрес?

Кортизолот, покрај сите останати важни функции, е и широко познат како „хормон на стрес“. Биолошки гледано, постојат повеќе различни видови на стрес, вклучувајќи:

Акутен стрес: Акутен стрес се случува кога организмот се наоѓа во ненадејна опасност во краток временски период.

Хроничен стрес: Хроничниот (долгорочен) стрес се случува кога организмот доживува тековни ситуации кои предизвикуваат фрустрација или анксиозност. На пример, хриничен стрес е долготрајна хронична болест, но и секојдневна тешка или фрустрирачка работа.

Трауматски стрес: Трауматскиот стрес се случува кога организмот ќе доживее настан опасен по живот кој предизвикува страв и чувство на беспомошност. Во некои случаи, овие настани може да доведат до посттрауматско стресно нарушување.

Нашето тело ослободува кортизол кога доживуваме некој од овие видови на стрес.

Како може да се провери нивото на кортизол ?

Кортизолот се мери со земање на примерок крв. Во нашите лаборатории е достапен тест кој го мери нивото на кортизолот во крвта. За да го направите тестот, потребно е да дојдете во нашите лаборатории рано наутро.

Што предизвикува ниско ниво на кортизол?

Пониско од нормалното ниво на кортизол се смета за адренална инсуфициенција. Постојат два вида на адренална инсуфициенција: примарна и секундарна. Причините за адренална инсуфициенција вклучуваат:

Примарна адренална инсуфициенција: Примарната адренална инсуфициенција најчесто е предизвикана од автоимуна реакција во која имунолошки систем ги напаѓа здравите клетки во надбубрежните жлезди без позната причина. Ова се нарекува Адисонова болест. Надбубрежни жлезди, исто така, може да се оштетат од инфекција или крварење. Сите овие ситуации го ограничуваат производството на кортизол.

Секундарна адренална инсуфициенција: Ако постои недоволно активна хипофиза (хипопитуитаризам) или тумор на хипофизата, тоа може да го ограничи производството на ACTH. ACTH им сигнализира на надбубрежни жлезди да создаваат кортизол, така што ограничениот ACTH резултира со ограничено производство на кортизол.

Може да се јават и пониски од нормалните нивоа на кортизол по прекинот на третманот со кортикостероидни лекови, особено по долг период на употреба.

Кои се симптомите на ниско ниво на кортизол?

Симптомите на пониски од нормалните нивоа на кортизол или адренална инсуфициенција вклучуваат:

  • Замор
  • Неволно губење на тежината
  • Слаб апетит
  • Низок крвен притисок (хипотензија)

Што предизвикува зголемени нивоа на кортизол?

Постоењето на абнормално високи нивоа на кортизол, за подолг временски период обично се смета за Кушингов синдром. Причините за повисоки од нормалните нивоа на кортизол и Кушингов синдром вклучуваат:

  • Земање големи количини на кортикостероидни лекови, како што се преднизон, преднизолон или дексаметазон, за третман на други состојби.
  • Тумори кои произведуваат адренокортикотропен хормон (ACTH). Тие обично се наоѓаат во хипофизата. Поретко, невроендокрините тумори во други делови од телото, како што се белите дробови, може да предизвикаат високи нивоа на кортизол.
  • Тумори на надбубрежните жлезди или прекумерен раст на надбубрежното ткиво (хиперплазија), кои предизвикуваат прекумерно производство на кортизол.

Студиите покажеле дека и долготрајната изложеност на стрес и хронична анксиозност може да предизвика зголемено ниво на кортизол, кој може да биде причина за некои од симптомите, како висок крвен притисок, замор, слабост, зголемена телесна тежина, гастроинтестиални проблеми, проблеми со спиење и многу други состојби.  

Кои се симптомите на високо ниво на кортизол?

Симптомите на Кушингов синдром зависат од тоа колку се покачени нивоата на кортизол. Вообичаени знаци и симптоми на повисоки од нормалните нивоа на кортизол вклучуваат:

  • Зголемување на телесната тежина, особено во лицето и стомакот
  • Масни наслаги на грбот
  • Широки, виолетови стрии на стомакот
  • Мускулна слабост
  • Висок крвен шеќер, кој често се претвора во дијабетес тип 2.
  • Висок крвен притисок (хипертензија)
  • Прекумерен раст на влакна (хирзутизам) кај жени
  • Слаби коски (остеопороза) и скршеници

Секогаш консултирајте се со вашиот лекар во врска со симптомите и вашата здравствена состојба.

Evalyn brush – упатство за употреба

Како изгледа Evalyn®Brush?

Evalyn®Brush е четка за самостојно земање примерок, долга околу 18 cm и се состои од проѕирен цилиндар со крилца и капаче. Во внатрешноста на проѕирниот цилиндар има розов клип што завршува со бела четка за земање примерок. Крајот на кој се наоѓа четката може да се отвори и да се затвори со розово капаче.

Инструкции за самостојно земање примерок

Evalyn®Brush е стерилно медицинско средство што ви овозможува да земете примерок во домашни услови. Користејќи ја Evalyn®Brush, може едноставно и безболно да земете вагинален клеточен материјал што понатаму се анализира во дијагностичка лабораторија.

НАПОМЕНА:

  • Не користете ја Evalyn®Brush ако пакувањето е оштетено или ако е изминат рокот на употреба.
  • Не користете ја Evalyn®Brush за време на менструален циклус. Почекајте вашиот циклус да заврши.
  • Не користете ја Evalyn®Brush за време на бременост или во првите три месеци по завршувањето на бременоста.
  • Не користете вагинални производи барем два/три дена пред употребата на Evalyn®Brush.
  • Вагинални контрацепциски средства, кондоми и лубриканти врз база на вода може да се користат вообичаено.
  • Evalyn®Brush е само за еднократна употреба. Повторната употреба може да резултира со инфекција и/или неправилна дијагноза.
  1. Темелно измијте си ги рацете пред употреба.
  2. Отстранете ја Evalyn®Brush од пакувањето. Не фрлајте го пакувањето, бидејќи е неопходно за праќање на примерокот во лабораторија.
  3. Притиснете ги страните на розовото капаче со палецот и показалецот за да го извадите капачето. Внимавајте да не го допирате со раце горниот бел дел на четкичката (над крилцата)!
  4. Заземете удобен став и стоечка позиција слично како при ставање вагинален тампон.
  5. Раширете ги срамните усни со едната рака, а со другата вметнете ја четката во вагината сè додека крилцата не ги допрат усните.
  6. Со едната рака држете го проѕирниот цилиндар, а со другата рака турнете го розовиот клип во правец навнатре. Ќе слушнете „клик“ кога четката е во вистинската позиција.
  7. Розовиот клип завртете го петпати во иста насока. По секое завртување ќе слушнете „клик“. Ова ќе ви помогне да ги изброите завртувањата. Откако ќе ги направите сите 5 завртувања, внимателно отстранете ја Evalyn®Brush од вагината.
  8. Држете го проѕирниот цилиндар со едната рака, а со другата рака повлечете го розовиот клип сè додека белата четка целосно не навлезе во проѕирниот цилиндар. Додека го правите ова, не допирајте го врвот на четката над крилцата.
  9. Држете го проѕирниот цилиндар со цел четката да не излезе повторно. Ставете го розовото капаче со палецот и показалецот. Ќе слушнете „клик“ кога капачето е во правилна позиција.
  10. Вака затворената Evalyn®Brush вратете ја во пакувањето.
  11. Пакувањето заедно со Evalyn®Brush ставете го во ќесето што го добивте во комплетот. Чувајте го примерокот на собна температура.
  12. Внесете ги вашите лични податоци во изјавата/формуларот и однесете го примерокот во лабораторијата.*Времето од земање на примерокот до прием во лабораторија да не е подолг од 24 часа.

упатството за употреба на Evalyn®Brush на македонски јазик

ПРИМЕРОКОТ ДОНЕСЕТЕ ГО НА НЕКОЈА ОД СЛЕДНИТЕ ЛОКАЦИИ:

ЛОКАЦИЈА 1

НАСЕЛБА ТАФТАЛИЏЕ

Бул. „8-ми Септември“ бр. 2, лок. 1, 1000 Скопје email: lab@avicenalab.com.mk

ЛОКАЦИЈА 2

НАСЕЛБА АЕРОДРОМ

Бул. „Јане Сандански“ бр. 13-1/A 1000 Скопје email: lab2@avicenalab.com.mk

ЛОКАЦИЈА 3

НАСЕЛБА КИСЕЛА ВОДА

Ул. „Мариовска“ бр.2-А, 1000 Скопје email: lab4@avicenalab.com.mk

ЛОКАЦИЈА 4

TEТОВО

Ул. „Благоја Тоска“ бр. 222, 1200 Teтово email: labtetovo@avicenalab.com.mk

Хуман папиломавирус (ХПВ) е најчеста сексуално пренослива инфекција и водечка причина за рак на грлото на матката кај жените. Инфекциите со ХПВ често се асимптоматски и можат да останат „тивки“ многу години пред да почнат да се манифестираат со било какви симптоми. Ова е особено опасно бидејќи, без да имате било какви симптоми може да настанат промени во вашите цервикални клетки, што може да доведе до рак на грлото на матката. Најдобар начин за спречување на болеста и рано откривање на ракот на грлото на матката е редовниот скрининг за ХПВ вирус.

Долготрајната инфекција со високоризичен HPV може предизвика клеточни абнормалности кои на крајот може да резултираат со рак на грлото на матката. Затоа, тестирањето за присуство на HPV е важен начин за превенција на рак на грлото на матката.

Evalyn® brush e стерилно медицинско средство што овозможува земaњe примерок за HPV тест во домашни услови. Користејќи ја Evalyn®Brush, може едноставно и безболно да земете примерок кој понатаму ќе се анализира во нашите лаборатории.

Evalyn®Brush е четка за самостојно земање примерок, долга околу 18 cm и се состои од проѕирен цилиндар со крилца и капаче. Во внатрешноста на проѕирниот цилиндар има розов клип што завршува со бела четка за земање примерок. Крајот на кој се наоѓа четката може да се отвори и да се затвори со розово капаче.

Резултатите од опсежните студии покажуваат дека Evalyn®Brush може да игра важна улога во реализација на успешен скрининг за цервикален карцоном, со 98% со примероците земени од страна на лекар, што ја прави Evalyn®Brush соодветна за примарен скрининг метод.

  1. Подигнете го комплетот Evalyn во некоја од нашите лаборатории
  2. Земете примерок сами следејќи ги упатствата во комплетот
  3. По 24 часа од земање на примерокот, донесете го за обработка во Авицена Лабораторија

Донесениот примерок ќе биде анализиран со помош на Multiplex real-time PCR технологија за високосензитивна и специфична молекуларна детекција и генотипизација на 19 високоризични и 9 нискоризични типови на HPV вирус (Human papillomavirus):

19 ВИСОКОРИЗИЧНИ ТИПОВИ НА HPV (16, 18, 26, 31, 33, 35, 39, 45, 51, 52, 53, 56, 58, 59, 66, 68, 69, 73, 82)

9 НИСКОРИЗИЧНИ ТИПОВИ НА HPV (6,11, 40, 42, 43, 44, 54, 61, 70)

  • Валидиран во многу студии и различни скрининг програми.
  • Се користи во 53 земји во светот, отсега за првпат и во нашата земја, достапно во нашите лаборатории.
  • Безболно, безбедно и доверливо.
  • Лесно и едноставно за употреба.
  • Благодарение на уникатниот дизајн на четката, се гарантира доволно и точно земање клеточен материјал за обработка на примерокот.

Како да земете примерок сами?

Со направен ХПВ тест со четката Evalyn, можете да го спречите ракот на грлото на матката во рана фаза, да откриете можни високоризични типови на ХПВ и да побарате навремен третман. Evalyn е еден од најсигурните уреди за земање примероци за скрининг за ХПВ во светот, кој е удобен, но подеднакво (99.8%) ефикасен како примерок земен од страна на доктор/гинеколог. Погледнете го:

  1. упатството за употреба на Evalyn®Brush на македонски јазик
  2. упатството за употреба на Evalyn®Brush на албански јазик

Видео туторијал за користење на Evalyn®Brush

  • Не користете ја Evalyn®Brush ако пакувањето е оштетено или ако е изминат рокот на употреба.
  • Не користете ја Evalyn®Brush за време на менструален циклус. Почекајте вашиот циклус да заврши.
  • Не користете ја Evalyn®Brush за време на бременост или во првите три месеци по завршувањето на бременоста.
  • Не користете вагинални производи барем два/три дена пред употребата на Evalyn®Brush.
  • Вагинални контрацепциски средства, кондоми и лубриканти врз база на вода може да се користат вообичаено.
  • Evalyn®Brush е само за еднократна употреба. Повторната употреба може да резултира со инфекција и/или неправилна дијагноза.
  1. Темелно измијте си ги рацете пред употреба.
  2. Отстранете ја Evalyn®Brush од пакувањето. Не фрлајте го пакувањето, бидејќи е неопходно за праќање на примерокот во лабораторија.
  3. Притиснете ги страните на розовото капаче со палецот и показалецот за да го извадите капачето. Внимавајте да не го допирате со раце горниот бел дел на четкичката (над крилцата)!
  4. Заземете удобен став и стоечка позиција слично како при ставање вагинален тампон.
  5. Раширете ги срамните усни со едната рака, а со другата вметнете ја четката во вагината сè додека крилцата не ги допрат усните.
  6. Со едната рака држете го проѕирниот цилиндар, а со другата рака турнете го розовиот клип во правец навнатре. Ќе слушнете „клик“ кога четката е во вистинската позиција.
  7. Розовиот клип завртете го петпати во иста насока. По секое завртување ќе слушнете „клик“. Ова ќе ви помогне да ги изброите завртувањата. Откако ќе ги направите сите 5 завртувања, внимателно отстранете ја Evalyn®Brush од вагината.
  8. Држете го проѕирниот цилиндар со едната рака, а со другата рака повлечете го розовиот клип сè додека белата четка целосно не навлезе во проѕирниот цилиндар. Додека го правите ова, не допирајте го врвот на четката над крилцата.
  9. Држете го проѕирниот цилиндар со цел четката да не излезе повторно. Ставете го розовото капаче со палецот и показалецот. Ќе слушнете „клик“ кога капачето е во правилна позиција.
  10. Вака затворената Evalyn®Brush вратете ја во пакувањето.
  11. Пакувањето заедно со Evalyn®Brush ставете го во ќесето што го добивте во комплетот. Чувајте го примерокот на собна температура.
  12. Внесете ги вашите лични податоци во изјавата/формуларот и однесете го примерокот во лабораторијата.*Времето од земање на примерокот до прием во лабораторија да не е подолг од 24 часа.

Напомена: За сите наши пациенти кои преферираат да донесат примерок земен од страна на доктор/гинеколог можат тоа да го направат на сите наши локации во текот на целото работно време. Самостојното земање примерок во домашни услови со Evalyn®Brush е дополнителна уште една олеснителна опција за тестирање за ХПВ вирус.

Цена на тестирањето: 3100 денари

Време на издавање резултати: 48 часа

Понекогаш, одредени лица имаат невообичаена реакција кон одредена храна или состојка од храна! Интолеранција на храна претставува одложена реакција на организмот на одреден вид храна или состојки од храна, при која се создаваат специфични IgG антитела. Станува збор за низок степен на долготрајна хронична воспалителна реакција што трае сè додека се консумира храната што ја поттикнува реакцијата.

Тестови за интолеранција на храна со најнова технологија, достапни во Авицена Лабораторија:

Панел 1Панел 3Панел 5
Ги содржи следните видови храна: Лосос, Бакалар, Харинга, Ракчиња, Школки, Свинско месо, Говедско месо, Пилешко месо, Пченица, ‘Рж, Овес, Пченка, Ориз, Хељда, Амарант, Морков, Целер, Зелка, Лук, Кромид, Грашок, Боранија, Соја, Кикирики, Домат, Краставица, Компир, Синап, Белка од јајце, Жолчка од јајце, Млеко, Козјо млеко, Овчо млеко, Портокал, Банана, Јаболко, Киви, Лешник, Орев, Бадем.Ги содржи следните видови храна: Туна, Пастрмка, Северноатлантски бакалар, Харинга, Острига, Ракчиња, Месо од патка, Пилешко месо, Мисиркино месо, ‘Рж, Хељда, Јачмен, Тврда пченица, Просо, Киноа, Глутен, Домат, Кромид, Тиквичка, Зелена маслинка, Леќа, Грашок, Боранија, Млеко, Овчо млеко, Козјо млеко, Банана, Киви, Лимон, Јагода, Ананас, Сончогледово семе, Семе од тиква, Синап, Босилек, Ѓумбир, Кафе, Какао, Шампињони, Ориз.Ги содржи следните видови храна: Штука, Сардина, Костреш (риба), Халибут (риба), Еленско месо, Телешко месо, Анасон, Бакла, Спанаќ, Кељ, Модар патлиџан, Цвекло, Шпаргла, Црвен грав, Јапонска трупка (дајкон), Прокељ, Папаја, Јогурт, Моцарела, Павлака, Изварка, Нектарина, Црвена рибизла, Брусница, Грејпфрут, Суво грозје, Црна рибизла, Лубеница, Пекански орев, Бразилски орев, Кокосов орев, Борови семки-пињоли, Макадамиски орев, Морско оревче, Мајчина душица Жалфија, Семе од коријандер, Ленено семе, Костен, Келп (морска трева).
Цена за изработка на еден панел 4200 денари, изработка на два панели одеднаш 7900 денари, изработка на сите три панели одеднаш 10500 денари.

Интолеранција (Нетолеранција) на лактоза претставува неможност или намалена способност за варење на млечниот шеќер – лактоза, најзастапениот јаглехидрат во млекото поради недостаток на интестиналниот ензим лактаза. Лактазата природно се наоѓа во тенкото црево и ја разградува лактозата на поедноставни, лесно сварливи шеќери гликоза и галактоза. Дефицитот на лактаза може да се манифестира на два начина: како недоволна количина на лактаза (хиполактазија) или како комплетен недостаток на лактаза во цревата (алактазија).

ВоАвицена Лабораторија се работи најсовремен тест за генетско тестирање на интолеранција на лактоза со метод на Real-Time PCR. Тестот врши идентификација на два полиморфизми лоцирани на интрон 9 (С/Т13910) и 13 (G/A 22018) на MCM6 генот, кои се поврзани со перзистенција на лактазната активност кај возрасни и деца.

Примерок: венска крв

Цена : 2690 денари

Издавање резултати за еден работен ден

Целијачната болест е автоимуно заболување (наречена уште и ентеропатија), која се карактеризира со нетолеранција на глутен. Се дефинира и како мултифакторна болест со силна генетска компонента. Генетската подложност кон целијачна болест вклучува присуство на HLA-DQ2 / HLA-DQ8 хетеродимери, кои играат клучна улога во патогенезата на болеста, за активација на имунолошкиот одговор. Кај 90-95% од пациентите со целијакија постои експресија на HLA-DQA1*05 / DQB1*02 хетеродимерот.

Во Авицена Лабораторија е достапен високосензитивен молекуларен тест за одредување генетска склоност кон целијакија, со анализа на ДНК изолирана од крвта на пациентот.Тестот се базира на RT PCR технологија за брза и прецизна идентификација на HLA алели од класа II – специфични за целијакија.

Примерок: венска крв

Цена : 4950 денари

Издавање резултати за еден работен ден


Цена за изработка на еде панел 4200 денари, изработка на два панели одеднаш 7900 денари, изработка на сите три панели одеднаш 10500 денари.


Препораки од Николина Мечкаровски, раководител на приемниот оддел во Авицена Лабораторија

Подготвувањето на децата за лабораториски анализи може да биде вистински предизвик. Обидете се смирено и разбирливо да ги објасните фазите низ кои ќе помине детето, уверувајќи го за вашето присуство, како родител покрај него во текот на целиот процес.

Во продолжение прочитајте неколку совети кои можат да ви помогнат да го подготвите вашето дете за посета на лабораторија.

БИДЕТЕ ИНФОРМИРАНИ

Пред да дојдете во лабораторија, информирајте се за сѐ она што може да ви создаде грижа или не ви е доволно јасно. Со ова, вие ќе бидете спокојни и смирени. Доколку вие самите сте вознемирени, многу веројатно е дека и вашето дете ќе се вознемири.

Пред да ја посетите нашата лабораторија, за подетални информации во врска со лабораториските анализи и целата процедура на земање примероци можете да не побарате на телефонскиот број 02 3179 001. Ви стоиме на располагање!

ПОСТАВЕТЕ РЕАЛНИ ОЧЕКУВАЊА

Едно од најдобрите нешта е да му кажете на вашето дете што вистински ќе се случува. Наместо да му кажете дека земањето крв од прст или вена воопшто нема да боли, доколку возраста на детето е соодветнa, пробајте да му објасните на детето дека земањето примерок трае многу кратко, минималната болка веднаш поминува и дека цело време ќе бидете до него. Пред да влезете во просторијата, разговарајте за тоа кого ќе види детето и што ќе направат, за детето да има реални очекувања.

Ако сметате дека е потребно, дајте ветување за некоја заедничка забавна активност која може да ја направите после посетата на лабораторијата. Така, детето ќе знае што да очекува, а помислата за активноста, наградата или охрабрување ќе го натера да сака да соработува со медицинскиот персонал. После земањето примерок, пофалете го за неговото однесување.

Во нашата лабораторија вработените кои земаат примероци и оние кои ве пречекуваат на наплатниот пулт носат шарени униформи со цел да се избегне стравот кај децата од белите мантили. Во склоп на нашата лабораторија во Скопје, населба Тафталиџе е достапен комплетно нов, уникатен простор за прием на дечиња, сè со цел подобрување на корисничкото искуство и овозможување на квалитетна грижа за здравјето на нашите најмали клиенти.

Детско катче се наоѓа веднаш до влезот на хотелот „ТЦЦ Гранд Плаза“, ориентиран кон бул. „8 Септември“. Просторот е целосно реновиран, преуреден и уникатно дизајниран, се состои од приемен дел, чекална и две простории наменети за земање примероци и друг материјал исклучиво за дечиња и трудници. Со ова се овозможува децата да имаат посебен интерактивен простор само за нив.

Детското катче е соодветно опремено и прилагодено за потребите и интересите на децата од најразлична возраст и има единствена цел, престојот во лабораторија да биде исполнет со забава, игра и смеа.

Посетете го нашето детско катче во Авицена Лабораторија Скопје, населба Тафталиџе!

ПЛАНИРАЈТЕ ГО ВРЕМЕТО НА ПОСЕТА

Планирајте ја посетата кога Вашето дете не е изморено и гладно. Доколку е потребно да се направи тест на гладно, направете го тоа како прво нешто во денот, и понесетe некоја ужинка која ќе му ја понудите по земањето примерок.

РАЗГОВАРАЈТЕ СО ВАШЕТО ДЕТЕ

Вие си го познавате вашето дете најдобро. Разговарајте со него пред да дојдете во лабораторија. Измислете некоја игра во која ќе се натпреварувате кој ќе издржи да седи мирен подолго. Научете го детето длабоко да земе воздух дури броите до 3 и да издише. Вежбите со дишење ќе му помогнат на детето само да има контрола врз своето тело.

ОДВЛЕЧЕТЕ МУ ГО ВНИМАНИЕТО

За време на вадењето крв, најдобро е и мислите и очите на детето да не се насочени кон самата ланцета или игла. Имајте на ум алтернативен фокус, како што е гледање интересна книга што сте ја донеле или пеење омилена песна. Земете некоја играчка од околината или понудете му да погледне во цртаниот филм.

Како и кај возрасните, така и кај децата, режимот на исхрана 24 часа пред посетата на лабораторија од суштинско значење. За повеќето лабораториски испитувања на крвта неопходна е припрема која подразбира земање на примерок (на празен стомак) наутро, 12 часа од последниот оброк. Ова е неопходно затоа што консумацијата на храна во периодот пред земањето на крвта доведува до пораст на одредени биохемиски параментри.

Еден ден пред лабораториските анализи:

Треба да се консумира лесна храна (најдобро варена, не пржена);

  • Храната да не е преоптеретена со масти и шеќери;
  • Последниот оброк да не е обилен и да е најдоцна до 19 часот;
  • Децата често се многу енергични и полни со живот, а дел од нив се занимаваат и со одредени спортови. Сепак, се препорачува да се избегнуваат интензивни спортови еден ден пред посетата на лабораторијата, бидејќи активноста може да се одрази на резултатите на поединечни ензими.

Прегледот и разговорот со вашиот лекар пред бременоста е првиот чекор во планирањето на здрава бременост. Здравјето пред зачнувањето е здравјето на жената пред да забремени. Тоа значи да се познаваат здравствените состојби и факторите на ризик кои можат да влијаат на жената или на нејзиното бебе, доколку таа забремени.

Целта на разговорот со лекарот е да се дискутира за нештата кои би можеле да влијаат на вашата бременост. Идентификувањето на некои ризик фактори е важно бидејќи првите недели од бременоста е времето кога се развиваат главните органи кај фетусот. На пример, некои видови храна, навики и лекови можат да му наштетат на вашето бебе – дури и пред да биде зачнато. Некои здравствени состојби, како што е дијабетесот, исто така може да влијаат на бременоста.

ХЕМАТОЛОШКИ АНАЛИЗИ

Вообичаената крвна слика е добар показател за општата здравствена состојба, вклучувајќи го нивото на хемоглобин и тромбоцитите. Нивото на хемоглобин е важно за време на бременоста бидејќи хемоглобинот обезбедува кислород на нероденото бебе.

Маркери за железо: Анализа на серумското железо, феритин и трансферин се користат како лабораториски анализи пред и за време на бременоста. Важно е да се провери нивото на железо кај пациентите пред бременоста, бидејќи недостатокот на железо е чест проблем кај бремените жени и може да доведе до замор и анемија доколку не се лекува.

БИОХЕМИСКИ АНАЛИЗИ

Витамин Д: Да се ​​провери дали нивото на витамин Д е доволно. Ако пациентката има дефицит на витамин Д, нејзиниот организам може да не го апсорбира правилно калциумот, што ќе влијае и на здравјето на коските и на коските на бебето кое е во развој.

Лабораториски анализи на функција на црниот дроб и бубрезите: Хепаталните ензими и анализа на деградационите продукти (уреа, креатинин) и електролите (натриум,калиум) се ​​користат како основна линија за следење на здравјето за време на бременоста. Абнормалните резултати за време на бременоста може да бидат резултат на нарушувања специфични за бременоста, како што е прееклампсија.

АНАЛИЗА НА ХОРМОНИ

TSH (тироидно-стимулирачки хормон): Нерамнотежата на тироидните хормони може да влијае на репродуктивните процеси кај жената (на пр.на овулацијата), а со тоа и на нејзината плодност. Добрата функција на тироидната жлезда на мајката е од клучно значење за развојот на мозокот на бебето, особено во текот на првиот триместар кога бебето е зависно од снабдувањето на мајката со тироидни хормони.

FSH (фоликуло-стимулирачки хормон) и LH (лутеинизирачки хормон): Овие репродуктивни хормони помагаат во одржување на здрав менструален циклус и овулација.

AMH (анти-Müllerian хормон): Оваа лабораториска анализа служи за проверка на резервите на јајниците на пациентот (тест за оваријална резерва).

МИКРОБИОЛОШКИ ТЕСТОВИ ЗА СЕКСУАЛНО-ПРЕНОСЛИВИ ИНФЕКЦИИ И ДРУГИ ИНФЕКТИВНИ ЗАБОЛУВАЊА

Голем број на инфективни патогени можат да влијаат на здравјето на мајката и плодот и да имаат сериозни последици кои резултираат со прекин на бременоста.

Тест за хламидија и гонореја: ова се бактериски и често асимптоматски инфекции, кои може да доведат до тешки компликации, вклучително и неплодност доколку не се лекуваат.

ТОRCH анализи (Токсоплазма, рубеола, цитомегаловирус и херпес). Присуството на некој од овие инфективни причинители може драматично да влије на текот на бременоста и да предизвика спонтан абортус, или да предизвика оштетување на нервниот систем и различни развојни нарушувања кај бебето.

Хепатитис Б и ХИВ

Сифилис: Идентификацијата и лекувањето на сифилисот пред бременоста е важно, бидејќи вродениот сифилис може да доведе до спонтан абортус, раѓање на мртво дете или здравствени проблеми кај бебето.

Парвовирус: Ако пациентката ја зарази оваа инфекција додека е бремена, веројатноста за спонтан абортус драстично се зголемува.

ТЕСТОВИ ЗА ГЕНЕТСКИ СКРИНИНГ

Со овој тип на тестови, може да се детектира дали идните родители се носители на носители на одредени мутации на гени, кои можат да доведат до појава на болест кај идните поколенија.

Овој текст е од информативен карактер, а наведените анализи се прават со претходна консултација со матичниот лекар или гинеколог. Во зависност од здравствената состојба, лекарот/гинекологот може да побара да се направат и дополнителни анализи.

Може да ве интересира…