fbpx

Udhëzime për përdorim Evalyn Brush

Si duket Evalyn®Brush?

Evalyn®Brush është një furçë vetë-mostrimi, afërsisht 18 cm e gjatë, e përbërë nga një cilindër i tejdukshëm me krahë dhe një kapak. Brenda cilindrit të pastër është një piston rozë që përfundon në një furçë të bardhë mostrimi. Fundi i furçës mund të hapet dhe mbyllet me një kapak rozë.

Udhëzime për vetë-mostrim

Evalyn®Brush është një pajisje mjekësore sterile që ju lejon të merrni një mostër në shtëpi. Duke përdorur furçën Evalyn®Brush, mund të merrni thjesht dhe pa dhimbje materialin e qelizave vagjinale që analizohet më tej në një laborator diagnostik.

  1. Lani duart tërësisht përpara përdorimit.
  2. Hiqeni furçën Evalyn®Brush nga paketimi. Mos e hidhni paketimin, pasi është e nevojshme për të dërguar mostrën në laborator.
  3. Shtypni anët e kapakut rozë me gishtin e madh dhe tregues për të hequr kapakun. Kini kujdes që të mos prekni me duar pjesën e sipërme të bardhë të furçës (mbi krahët)!
  4. Merrni një qëndrim të rehatshëm dhe një pozicion në këmbë njësoj sikur futni një tampon vaginal.
  5. Hapni buzët e turpshme me njërën dorë dhe me tjetrën futeni furçën në vagjinë derisa krahët të prekin buzët.
  6. Mbajeni cilindrin e tejdukshëm me njërën dorë dhe shtyjeni pistonin rozë nga brenda me dorën tjetër. Do të dëgjoni një “klik” kur furça të jetë në pozicionin e duhur.
  7. Rrotulloni pistonin rozë pesë herë në të njëjtin drejtim. Do të dëgjoni një tingull “klik” pas çdo rrotullimi. Kjo do t’ju ndihmojë të numëroni rrotullimet. Pasi të keni bërë të 5 rrotullimet, hiqni me kujdes furçën Evalyn®Brush nga vagjina.
  8. Mbajeni cilindrin e tejdukshëm me njërën dorë dhe tërhiqni pistonin rozë me dorën tjetër derisa furça e bardhë të jetë plotësisht brenda cilindrit të tejdukshëm. Përderisa e bëni këtë, mos prekni majën e furçës mbi krahët.
  9. Mbajeni cilindrin e tejdukshëm në mënyrë që furça të mos dalë përsëri. Vendosni kapakun rozë me gishtin e madh dhe tregues. Do të dëgjoni një “klik” kur kapaku të jetë në pozicionin e duhur.
  10. Furçën e mbyllur Evalyn®Brush në këtë mënyrë, kthejeni në paketimin e vet.
  11. Vendoseni paketimin së bashku me Evalyn®Brush në qesen që keni brenda kompletit.
  12. Shkruani të dhënat tuaja personale në deklaratë/formular dhe ta çojeni mostrën në laborator.* Koha nga marrja e mostrës deri në dërgimin e saj në laborator nuk duhet të jetë më e gjatë se 24 orë.

VINI RE:

• Mos e përdorni Evalyn®Brush nëse paketimi është i dëmtuar ose nëse ka kaluar afati i përdorimit

• Mos e përdorni furçën Evalyn®Brush gjatë ciklit menstrual.

• Mos e përdorni Evalyn®Brush gjatë shtatzënisë ose në tre muajt e parë pas përfundimit të shtatzënisë.

• Mos përdorni produkte vaginale për të paktën dy ditë para se të përdorni Evalyn®Brush.

• Kontraceptivët vagjinalë, prezervativët dhe lubrifikantët me bazë uji zakonisht mund të përdoren.

• Evalyn®Brush është vetëm për përdorim të njëhershëm.

• Ripërdorimi mund të rezultojë në infeksion dhe/ose diagnozë të gabuar.

Udhëzime për përdorim Evalyn Brush – ALB.

Video tutorial:

SILLNI MOSTRËN NË NJË NGA LOKACIONET E MËPOSHTME:

LOKACIONI 1

LAGJA TAFTALIXHE

Bul. “8 Shtatori” nr. 2, lok. 1, 1000 Shkup email: lab@avicenalab.com.mk

LOKACIONI 2

LAGJA AERODROM

Bul. “Jane Sandanski” nr. 13-1/A 1000 Shkup email: lab2@avicenalab.com.mk

LOKACIONI 3

LAGJA KISELA VODA

Rr.. “Mariovska” nr.2-А, 1000 Shkup email: lab4@avicenalab.com.mk

LOKACIONI 4

TETOVË Rr. “Blagoja Toska” nr. 222, 1200 Tetovë email: labtetovo@avicenalab.com.mk

Infeksionet Urinare

Trakti urinar paraqet një filtër trupor për asgjësimin e lëngjeve të tepërta. Për shkak të vetë anatomisë së traktit urinar, gratë janë veçanërisht të ndjeshme ndaj baktereve që mund të vendosen në traktin urinar dhe të shumohen – duke rezultuar në infeksion të traktit urinar.

Infeksionet urinare zakonisht janë infeksione bakteriale të veshkave dhe fshikëzën e urinës. Rruga më e zakonshme e përhapjes së infeksionit (90%) është përmes infiltrimit të baktereve nga lëkura rreth organeve gjenitale dhe rektumit drejt fshikëzës së urinës, që është një bazë e mirë për zhvillimin e baktereve për shkak të pranisë së proteinave, sheqernave dhe një temperaturë të favorshme.

Shkakëtarë:

Shumë mikroorganizma mund të shkaktojnë infeksione të veshkave dhe të traktit urinar, por më shpesh infeksionet janë të shkaktuara nga bakteret Gram negative (Escherichia coli, Proteus, Klebsiella, Enterobacter, Pseudomonas). Bakteria Escherichia coli zbulohet në 80 % të të sëmurëve me infeksion akut të traktit urinar. Bakteret e tjera Gram negative mund të shkaktojnë infeksione akute të traktit urinar tek të sëmurët me kateter urinar, pas ndërhyrjeve urologjike gjatë pranisë së kalkulave (gurëve) në veshka dhe gjatë obstruksionit (pengimin) të rrjedhjes së urinës përmes traktit urinar. Bakteret në traktin urinar mund të vijnë me anë të gjakut të një tjetër pike të nxehtë (shpërndarje hematogjene të baktereve). Si grupe të konsideruar me rrezik për shfaqjen më të shpeshtë të infeksioneve urinare janë të sëmurët me diabet, gratë shtatëzëna, gratë në menopauzë për shkak të defiçitit të estrogjenit, etj .

Simptoma:

Zakonisht simptomat janë shprehura në formën e urinimit shpesh të dhimbshëm, ndjesi djegie gjatë urinimit, shpesh i shoqëruar me urinim natën, dhe dhimbje në legen dhe kurriz. Urina mund të jetë më e turbullt ose me gjurmë gjaku.

Diagnoza:

Diagnoza e infeksioneve urinare përcaktohet me :

– Analiza laboratorike të gjakut dhe urinës

– Analiza mikrobiologjike me urinokulturë – me antibiogram

– Eko të traktit urinar.

Me rëndësi të jashtëzakonshme është marrja e rregullt e materialit të duhur për analiza mikrobiologjike të urinës. Pas toaletit lokal të kryer në pjesët e jashtme të traktit gjenital, merret një sasi e vogël e rrjedhës së mesme (jo e para) e urinës. Ena në të cilën mblidhet urina duhet të jetë sterile. Mostra ( urina ) duhet të mbërrijë të laborator për analizë jo më vonë se 2 orë Diagnoza e saktë është veçanërisht e rëndësishme për shkak se simptomat e ngjashme mund të jenë rezultat edhe të infeksioneve të organeve gjenitale.Vetëm mjeku Juaj mund të bëjë dallim dhe ta përcaktojë diagnozën e saktë.

Terapi:

Nëse konfirmohet infeksion bakterial, trajtimi me terapi antibiotike në mënyrë dhe kohëzgjatje sipas këshillës së mjekut tuaj. Pas përfundimit të terapisë së rekomanduar duhet të bëhet urinokulturë kontrolluese (të paktën një javë pas përfundimit të terapisë). Nëse e njëjta nuk është sterile duhet të vazhdohet terapia me antibiotikë, dhe në qoftë se është sterile mjekimi përfundon. Rekomandohet edhe konsumim të një sasie më të madhe të lëngjeve (ujë) dhe çaje bimore, konsumim të reduktuar të sheqerit dhe karbohidrateve të rafinuara dhe higjienë të mirë personale.

Çfarë është diabeti gestacional?

Diabeti gestacional (ose diabeti i shtatzënisë) parqet lloj të veçantë diabeti që manifestohet me nivel të rritur të glukozës në gjak dhe për herë të parë shfaqet gjatë shtatzënisë. Zakonisht shfaqet në fazat më të vonshme të shtatzënisë, shpesh tek gra që nuk kanë pasur histori të diabetit.

Diabeti gestacional më shpesh shfaqet si pasojë e ndryshimeve hormonale gjatë kohës së shtatzënisë (më saktë për shkak të hormoneve që sekretohen nga placenta), që mund të krijojnë predispozitë për shfaqjen e rezistencës ndaj insulinës. Insulina është hormon në qeliza specifike në pankreas dhe mundëson shfrytëzim efikas të glukozës si lëndë djegëse (energji). Kur niveli i insulinës është i ulët, ose trupi nuk mund ta shfrytëzojë në mënyrë efikase  – për shkak të rezistencës së insulinës, atëherë niveli i glukozës në gjak rritet.

Ndryshe nga llojet e tjerë të diabetit, diabeti gestacional nuk është i përhershëm. Në shumicën e rasteve, diabeti gestacional zhduket pas lindjes, por gratë që kanë diabet gestacional janë të ekspozuara ndaj rrezikut që ta shfaqin përsëri në shtatzëninë e radhës dhe të shfaqin lloj tjetër diabeti në të ardhmen.

Cilat janë simptomat e diabetit gestacional?

Pjesa më e madhe e grave shtatzëna nuk kanë simptoma të theksuara dhe të dukshme. Me këtë lloj diabeti, problemi është në atë që gruaja shtatzëna nuk i ve re këto simptoma ose i lidh me gjendje tjetër. Prej këtu, një numër i madh i diabetikëve gestacionalë mbeten të pa diagnostikuar.

Simptomat më të shpeshta tek diabeti gestacional janë:

► Etje e pazakonshme

► Urinim i shpeshtë dhe në sasi të madhe (ndryshe nga shtatzënia e hershme kur urinimi është i shpeshtë, por në sasi më të vogla)

► Lodhje e pazakonshme (që ndonjëherë është e vështirë që të dallohet nga lodhje e zakonshme e shtatzënisë)

► Nivel i rritur i glukozës në urinë i zbuluar gjatë testit rutinë të urinës

Cilat gra janë të ekspozuara ndaj rrezikut më të lartë për zhvillimin e diabetit gestacional?

Rrezik më të lartë për diabet gestacional kanë gra shtatzëna që:

 Kanë mbi 40 vjeç;

 Kanë hyrë në shtatzëni me peshë trupore të tejmasë ose që kanë fituar peshë të konsiderueshme (më shumë se pesha e rekomanduar) gjatë kohës së shtatzënisë;

 Vuajnë nga tensioni i lartë i gjakut;

 Nëse paraprakisht kanë lindur fëmijë me peshë mbi 4kg;

 Kanë manifestuar diabet gestacional në shtatzëninë paraprake;

 Kanë persona diabetikë në familjen më të afërt;

 Kanë pasur aborte të shumëfishta, lindje të parakohshme;

Pse është e rëndësishme që të kryhet testi oGTT?

oGTT (Оral Glucose Tolerance Test) ose testi për tolerancën e glukozës ndihmon në diagnostikimin e diabetit gestacional – nivel të rritur të glukozës në gjak që shfaqet gjatë kohës së shtatzënisë.

Zakonisht, rekomandohet që gratë shtatzëna të bëjnë test midis javës së 24-të dhe 28-të të shtatzënisë. Testi mund të kryhet edhe më herët, nëse janë të pranishme shenje dhe simptoma të diabetit ose ekziston histori e diabetit gestacional në shtatzënitë paraprake, sigurisht në konsultim me mjekun.

Si kryhet testi оGTT dhe si të përgatiteni?

Para vizitës së laboratorit.

Disa ditë para kryerjes së testit pacienti duhet të jetë i ushqim të balancuar (konsum të moderuar të karbohidrateve) dhe nuk duhet të ekspozohet në lodhje të mëdha fizike. Duhet të ndërpresë marrjen e medikamenteve individuale që ndikojnë mbi metabolizmin e glukozës (psh. Kortikosteroidë, diuretikë), por vetëm në marrëveshje me mjekun. Testin e kryen me përgatitje paraprake që nënkupton uri për rreth 12 – 14 orë, para marrjes së mostrës së gjakut për ekzaminim.

Në laborator.

Testi i ngarkesës së glukozës kryhet në laboratori, në kohëzgjatjen nga 120 – 180 minuta. Gjatë kohës së kryerjes së vetë testit pacienti duhet të jetë në gjendje qetësie, nuk mund të hajë, të pijë, ose të pijë duhan.

Së pari merret mostra na gjaku venoz që të përcaktohet niveli i glukozës në serum në gjendje të uritur. Pasi do të merret niveli i glukozës në gjendje urie, pacientit i jepet të pijë tretje glukoze të përgatitur paraprakisht me përqendrim të njohur, dhe matet niveli i glukozës në gjak në intervale të caktuara kohore (pas 1 ore dhe pas 2 orësh) Për të gjithë kohën e kryerjes së testit, pacienti është e nevojshme që të jetë në gjendje të qetë dhe i ulur.

INFORMACION I RËNDËSISHËM

Për pacientët që testin e ngarkesës së glukozës në Laboratorin Avicena e kryejnë në barë të FSSHM, me rekomandim nga mjeku, është i nevojshëm prenotim paraprak në numrin e telefonit

? 3179 001 ose në sportelin e pranimit në laborator.

Testi kryhet nga dita e hënë deri ditën e premte në laboratorin në lagjen Taftalixhe.

#WorldCancerDay

🌏Çdo 4 shkurt shënohet si Dita Botërore e Kancerit, për të nxitur ndërgjegjësimin më të madh për parandalimin, diagnostikimin dhe trajtimin e hershëm, në mënyrë që të zvogëlohet ndikimi global i sëmundjes.

🔬Si lider në diagnostikimin laboratorik, vitin e kaluar ne i jemi përkushtuar gjeni gjeneratën e fundit të testeve gjenetike që do t’i ndihmojnë pacientët të parashikojnë rrezikun e sëmundjes si dhe të ndihmojnë ata pacientë që tashmë janë diagnostikuar me kancer, për të zbuluar arsyen e shfaqjes së kësaj gjendje.

🧬 Për këtë qëllim, ne kemi prezantuar portofolin e ri të testeve për kanceret trashëgimore, të cilat janë zhvilluar në laboratorët tanë gjatë 6 muajve të fundit. Të ashtuquajturat panele gjenetike “Presentia” mund t’i ndihmojnë pacientët të marrin shërbimin më të mirë të mundshëm diagnostikues, i cili nuk kërkon vizitë në laboratorë jashtë vendit, por tani e tutje janë të disponueshme teste në shkallë botërore të aplikuara në qendrat mjekësore më moderne në botë. dhe në laboratorin tonë.

Njihni gjenet tuaja, njihni zgjedhjen tuaj!

Dita Botërore eKancerit2023 #Avicenalab

Laboratori Avicena me ju gjatë të gjithë shtatzënisë

Avancimi i shkencës çoi deri në zhvillimin e një palete të gjerë të analizave laboratorike, për çdo periudhë të jetës së një gruaje. Një numër i madh i grave hasen me shumë sfida, nga momenti i ngjizjes, dhe deri në lindjes e foshnjës së tyre.

Analizat laboratorike dhe shërbimet janë komponentë thelbësore gjatë të gjithë shtatzënisë, sepse sigurojnë informacione të rëndësishme për ndjekjen e shëndetit të nënës së ardhshme dhe foshnjës së saj.

Në Laboratorin Avicena janë të disponueshme numri më i madh i analizave rutinë dhe analizave specifike që kryhen gjatë shtatzënisë, dhe sigurojnë informacione të dobishme për shëndetin e nënës dhe foshnjës.

TEST PËR KONFIRMIMIN E SHTATZËNISË

Beta HCG – Përcaktimi i nivelit të Beta HCG shërben si test për shtatzëni nëpërmjet gjakut, si plotësim i testit të shtatzënisë në kushte shtëpiake.

ANALIZAT E REKOMANDUARA NË TREMUJORIN E PARË (java gjestacionale 0-12)

Analiza komplete e gjakut, hemoglobina dhe sedimentimi  – Zvogëlimi i konsiderueshëm i numrit të qelizave të kuqe të gjakut (eritrocite), së bashku me vlerën e zvogëluar të hemoglobinës, tregojnë për anemi të mundshme (dobësi gjaku – anemi), çrregullim që është i shpeshtë në shtatzëni, dhe është më shpesh e shkaktuar nga mungesa e hekurit dhe acidit folik (vitamina B12).

Analiza e urinës dhe kulturës së urinës (ekzaminim mikrobiologjik i urinës).

Skrining për sëmundje infektive nëpërmjet gjakut dhe briseve (mostrat) mikrobiologjike: TORCH,  HIV1/2, HBV, HCV.

Skriningu i hershëm dhe trajtimi i infeksioneve është i një rëndësie kyçe për zhvillimin e rregullt të fetusit dhe shëndetin e foshnjës gjatë kohës së shtatzënisë dhe pas lindjes.

Këto teste japin informacion nëse për momentin ekziston infeksion, si edhe ajo nëse infeksioni ndonjëherë ka qenë i pranishëm. Shkaktarët e këtyre infeksioneve mund të kalojnë nëpër placentë dhe të shkaktojnë komplikime mbi shëndetin e foshnjës, gjatë shtatzënisë ose gjatë vetë lindjes.

ANALIZAT E REKOMANDUARA NË TREMUJORIN E DYTË (java gjestacionale 13-27)

PRISCA – (Prenatal Risk Calculation Software) përfshin matje të markerave të caktuar, që qarkullojnë në gjakun e nënës dhe janë në lidhje të drejtpërdrejtë me zhvillimin dhe mirëqenien e fetusit. Vlerat e fituara, kombinohen me parametra të tjerë të rëndësishëm si mosha dhe gjendja shëndetësore e pacientes, si edhe masat e fetusit të bëra me ultratingull (EKO gjinekologjike). Pas llogaritjes kompjuterike të të gjitha të dhënave me programin softuerik, fitohet rezultati përfundimtar, që tregon se sa është rreziku që fetusi të ketë një nga këto anomali: Sindromën Down, Sindromën Edward dhe defekt të tubit nervor.

Veragene – Gjenerata e fundit e testit prenatal joinvaziv Lexo me shume

VERAgene është i vetmi test prenatal joinvaziv që kryen depistim të njëkohshëm për aneuploidi, mikrodelecione dhe 100 sëmundje monogjenetike.
Sëmundjet monogjenetike të testuara nga VERAgene shoqërohen me fenotip të moderuar deri në të rëndë dhe kanë një ndikim të rëndësishëm në cilësinë e jetës.
Me ekzaminimin për aneuploidi dhe mikrodelecione dhe 100 sëmundje monogjenetike, VERAgene ofron një zgjidhje gjithëpërfshirëse për prindërit e mundshëm.

Analizë komplete e gjakut, hemoglobinë dhe sedimentimi

TREMUJORI I TRETË (java gjestacionale 28-40)

oGTT (Оral Glucose Tolerance Test) – testi për tolerancën e glukozës ndihmon në diagnostikimin e diabetit gestacional (diabetit të shtatzënisë) – nivelin e rritur të glukozës në gjak që zhvillohet gjatë kohës së shtatzënisë.

Zakonisht, rekomandohet që gratë shtatzëna të bëjnë test midis javës së 24 dhe të 28 të javës së shtatzënisë. Testi mund të kryhet edhe më herët, nëse janë të pranishme shenja dhe simptoma të diabetit ose nëse ekziston historia e diabetit gjestacional (diabeti i shtatzënisë) në shtatzëninë paraprake, sigurisht në konsultim me mjekun.

Group B Streptococcus – bëhet nëpërmjet brisit (mostrës) para lindjes, me qëllim që të parandalohet në kohë infeksion i mundshëm, që mund t’i transmetohet foshnjës.

Analizë komplete gjaku, hemoglobinë dhe sedimentim.

Kulturë urine (ekzaminim mikrobiologjik i urinës).

Laboratori Avicena ju mundëson që t’i kryeni të gjitha analizat në një vend!

Çmimet përkatëse të analizave mund t’i shihni në këtë link.

Ky tekst është i karakterit informativ, dhe analizat e paraqitura kryhen me konsultimin paraprak me gjinekologun amë. Në varësi të gjendjes shëndetësore të personit shtatzënë, gjinekologu mund të kërkojë që të kryhen edhe analiza plotësuese.

Infertiliteti është problem i shpeshtë mjekësor që ndikon në 15% e personave që përpiqen të kenë pasardhës. Në 30% deri në 50% e rasteve, mashkulli është faktori kryesor për pamundësinë e ngjizjes. Detektimi i shkaqeve gjenetike për infertilitetin e mashkullit mundëson diagnostikim të infertilitetit tek çiftet që mundohen të formojnë familje, dhe përveç kësaj dhe dhënie të rekomandimeve për hapat e mëtejshëm që duhet të ndërmerren (teknika të fekondimit artificial dhe këshillim relevant gjenetik). Spermatogjeneza është proces thelbësor që rregullohet nga shumë gjene specifike të lokalizuara në kromozomin Y. Shumica e këtyre  gjeneve vijnë në rajon specifik të njohur si rajoni i faktorit të azoospermisë (AZF) në krahun e gjatë të kromozomit Y të njeriut.

Mikrodelecionet e AZF njihen si çrregullimet strukturore më të shpeshta të kromozomeve dhe ato janë shkaku kryesor për infertilitetin e mashkullit.
Ndryshimet në këtë rajon janë të lidhura me anormalitete në prodhimin e spermës, dhe me atë deri në infertilitet. Mikrodelecionet e AZF janë një nga shkaqet kryesore për azosperminë (mungesë të plotë të spermës në ejakulat) dhe oligozoospermi të rëndë (më pak se 5 milionë spermatozoide në ejakulatin tek meshkujt).
Testi i ri që përpunohet në Laboratorin Avicena kryen detektim të ndryshimeve – delecioneve të kromozomeve  të AZF (AZFa, AZFb, AZFc) të kromozomit Y të njeriut,  me ndihmë të metodës RT-PCR.
Mostra e nevojshme: gjak
Koha e përpunimit: 1 ditë pune.

Ju qëndrojmë në dispozicion për pyetje dhe informacione plotësuese në
numrin 02 3179 00 1.

Ruajtjen dhe përpunimin e gabuar të ushqimit

Bakteret si Salmonella, Shigella dhe Campylobacter shpesh shkaktojnë ngërçe në stomak, diarre, nauze dhe të vjella, dhimbje koke, ethe. Simptomat zakonisht shfaqen 6 deri në 72 orë pas infektimit. Simptomat zakonisht zgjasin 4 deri në 7 ditë, ndonjëherë shumë më gjatë.
Këto baktere transmetohen kryesisht duke ngrënë ushqime të papërpunuara nga kafshët e infektuara (mish, pulë, vezë dhe produkte prej tyre) ose ushqime të prodhuara për prodhim masiv (çokollata, karamele, të gjitha llojet e produkteve të ëmbëlsirave) që nuk ruhen në temperaturën dhe mjedisin e duhur. .
Bakteret vriten nga gatimi i plotë i ushqimit (ushqimi i gatuar mirë). Shmangni mishin, shpendët ose vezët e papërpunuara ose të paziera. Shpendët dhe mishrat e tjerë – për shembull, hamburgerët, salsiçet dhe rrotullat e pjekura – nuk duhet të hahen nëse janë rozë në mes. Trajtimi i ushqimit – pasi bakteret mund të mbeten në duar, është shumë e rëndësishme që gjithmonë t’i lani duart tërësisht pas përdorimit të tualetit dhe para përgatitjes së ushqimit.

Larja jo e duhur e perimeve dhe frutave – mundësia e kontaktit me viruse

Norovirus, Rotavirus, Adenovirus, Astrovirus dhe Sapovirus janë vetëm disa nga viruset që shkaktojnë lloje të ndryshme të sëmundjeve gastrointestinale te njerëzit dhe shoqërohen me të përziera, ethe, të vjella…
Viruset shpesh fshihen pas produkteve të lara keq si frutat dhe perimet, dhe gjatë temperaturave të verës, ato kanë një shans të madh për t’u shumuar.
Në Laboratorin e Avicenës një paketë e plotë gastrointestinale-zbulimi i 17 shkaktarëve të infeksioneve gastrointestinale 6 viruse (Norovirus G I, Norovirus G II, Rotavirus, Adenovirus, Astrovirus Sapovirus), 9 baktere (Salmonella Species, Salmonella ENTERERICA SEROVARICA Shigellagella species, Shinerica Shinerex. , Llojet Campylobacter, Campylobacter jejuni, Campylobacter coli) DHE 2 FUNGI (Candida albicans dhe specie Candida), me metodën MULTIPLEX REAL-TIME PCR.

MOTI I NXEHTË DHE LAGËSHTIA – Rrit mundësinë e pickimit të rriqrave

Pranvera ka ardhur, po ashtu edhe mikrobet dhe shqetësimet e tjera që shoqërohen me temperaturat e larta. Infeksionet, të cilat janë normale dhe të shoqëruara me temperaturë, mund të jenë të lehta, por edhe më serioze. Këto ditë flitet shumë për rreziqet e rriqrave dhe mushkonjave dhe sëmundjet që ato mund t’i transmetojnë te njerëzit dhe kafshët. Ato janë të pranishme rregullisht në muajt e pranverës dhe verës, ndaj rreziku prej tyre është më i madh në këtë periudhë.
Sëmundja Lyme është një sëmundje shumësistemike që ka një ecuri subakute dhe kronike dhe shkaktohet nga bakteri Borrelia burgdorferi, i cili transmetohet nga rriqrat me pickimin e saj te bujtësi. Sëmundja prek fillimisht lëkurën dhe më pas zemrën, kyçet dhe sistemin nervor qendror.
Sëmundja Lyme manifestohet me ënjtje dhe skuqje lokale në vendin e pickimit dhe në zonën përreth, 3-32 ditë pas incidentit. Skuqja lokale është e ngrohtë dhe zakonisht jo e dhimbshme. Në 50% të pacientëve, ndryshime të njëjta mund të ndodhin në pjesë të tjera të trupit dhe në 15% të pacientëve, ndryshime të lëkurës mund të mos ndodhin. Përveç ndryshimeve të lëkurës, mund të shfaqen ethe, të dridhura, keqtrajtim, dhimbje koke dhe nyje limfatike rajonale të zmadhuara.
Laboratori Avicena ju ofron një vlerësim të plotë të shëndetit tuaj. Një test i ri, modern, indirekt i imunofluoreshencës për zbulimin e antitrupave IgG dhe IgM në Borrelia burgdorferi. Ky test është thelbësor për diagnozën e sëmundjes Lyme për shkak të ndjeshmërisë dhe specifikës së lartë, kohës së shkurtër për të marrë një përgjigje përfundimtare (një ditë) dhe faktit që kultivimi i borreliozës është shumë i vështirë, afatgjatë dhe jo i besueshëm.

TEMPERATURA TË RRITUR – Rritet mundësia e pickimit të mushkonjave

Leishmanioza është një sëmundje parazitare e shkaktuar nga një protozoar (parazit njëqelizor) i gjinisë Leishmania. Transmetohet nga pickimi i disa llojeve të mushkonjave (të cilat janë të pranishme edhe në vendin tonë, dhe janë të ndryshme nga mushkonjat e zakonshme), të cilat më parë kanë kafshuar një qen të infektuar me këtë parazit. Paraziti sulmon sistemin mbrojtës të trupit dhe nëse nuk trajtohet, mund të zhvillohet në një sëmundje serioze.
Leishmanioza karakterizohet me simptoma që në pamje të parë janë të ngjashme me të gjitha simptomat e tjera që tregojnë imunitet të reduktuar, p.sh. ulje të oreksit, temperaturë, dobësi, lodhje, anemi, plagë në vendin e pickimit të mushkonjave, letargji dhe të tjera.
Laboratori Avicena ju ofron testin më modern për diagnostikimin e leishmaniozës dhe sqarimin e statusit imunitar. RIDASCREEN ® Leishmania Ab Test, imunoassay enzimë (EIA) nga prodhuesi gjerman R-Biopharm për përcaktimin sasior të antitrupave specifikë IgG kundër Leishmania infantum në gjak.

Pranvera arriti, si edhe mikrobet dhe bezditë e tjera që shkojnë së bashku me temperaturat e larta. Infeksionet, që janë shfaqje normale dhe që i ndjek temperatura e rritur, mund të jenë të ëmbla, por edhe vdekjeprurëse. Këto ditë flitet se rreziku nga Rriqrat dhe mushkonjat dhe sëmundjet që ata mund t’i transemtojnë tek njerëzit dhe kafshët. Ato gjenden rregullisht në muajt pranverorë dhe verorë, dhe prandaj edhe rreziku nga ato është më i madh këtë periudhë.

Çfarë është sëmundja e Llajmit (Lyme disease) dhe kush e shkakëton?

Sëmundja e Llajmit është sëmundje multisisteme që ka rrjedhë subakute dhe kronike, dhe e shkakëton bakteria Borrelia burgdorferi, që e transmeton rriqra me pickimin e tij tek vendasi. Kjo sëmundje së pari e përfshin lëkurën dhe pas saj zemrën, nyjet dhe sistemin qendror nervor. Sëmundja e Llajmit manifestohet me shfaqje të ejntjes lokale dhe skuqje në vendin e pickimit dhe përreth saj dhe ajo 3 -32 ditë pas aksidentit. Skuqja lokale është e ngrohtë dhe zakonisht nuk është e dhimbshme. Tek 50% e pacientëve ndryshime identike mund të shfaqen dhe në pjesë të tjera të trupit, dhe tek 15% të pacientëve mund të shfaqen ndryshime të lëkurës. Përveç ndryshimeve të lëkurës, mund të shfaqet edhe temperaturë e lartë, ethe, raskapitje, dhimbje koke dhe zmadhim të nyjeve limfatike rajonale.

Përderisa sëmundja nuk njihet dhe nuk mjekohet, pas 6-8 javësh zhvillohet faza e dytë e sëmunjdes, që karakterizohet me simptome neurologjike, shfaqje të dhimbjeve në nyjet dhe simptoma kardiologjike.

Faza e tretë shfaqet tek persona të pa mjekuar tek të cilët pas dhjetë muajsh ose më shumë viteve zhvillohen dëmtime të përhershme tek organet e prekura.

Si vendoset diagnoza?

Laboratori Avicena ju ofron vlerësim komplet të gjendjes tuaj shëndetësore. Test, i ri, bashk ëkohor, imunofluoreshent indirekt për detektim të antitrupave IgG dhe IgM që Borrelia burgdorferi sensu lato në serum human dhe IgG në tretje alkoolike – RIDA®FLOUR Borrelia burgdorferi. Ky test ndërmerr vend qendror gjatë diagnozës së sëmundjes së Llajmit për shkak të senzibilitetit dhe specificitetit të lartë, koha e shkurtër e fitimit të përgjigjes definitive (një ditë) dhe fakti se kultivimi e borelave është shumë e vështirë, afatgjate dhe e pasigurtë.

Leishmanioza (Kala Azar – “Vdekja e zezë”)

Leishmanioza është sëmundje parazitare që e shkakëton protozoa (parazit njëqelizor) nga lloji i Leishmania. Transmetohet me kafshim të llojeve të caktuar të mushkonjave, (që gjenden edhe tek ne, dhe dallohen nga mushkonjat e zakonshme), që paraprakisht kanë kafshuar qen që ka qënë i infektuar nga ky parazit. Paraziti e sulmon sistemin mbrojtës të organizmit dhe nëse nuk mjekohet, mund të shkojë në sëmundje të rëndë dhe të çojë deri në pasoja vdekjeprurëse.

Pamja klinike

Leishmanioza karakterizohet me simptoma që në pamje të parë janë të ngjashme me të gjitha simptomat e tjera që tregojnë në imunitet të zvogëluar, domethënë, oreks të zvogëluar, ethe, dobësim, lodhje, anemi, plagë në vendin e kafshimit nga mushkonja, raskapitje etj.

Prezantohet në tre forma:

– Lëkurore (të lëkurës)

– Mukotike (të lëkurës – mukozës)

– Kala-Azar (Vdekja e zezë, me prekje të organeve)

Në vit në botë sëmuren rreth 1,5 milionë njerëz nga forma e lëkurës, dhe rreth 1,5 milionë njerëz nga Kala Azar. Koha në inkubacion (periudha kohore nga pickimi, deri në shfaqje të simptomave të sëmundjes) është nga 7 ditë deri në disa muaj për formën e lëkurës, dhe disa 10-tra ditë deri në disa vjet për formën e organeve të brendshme – Kala Azar.

Diagnoza

Laboratori Avicena ju ofron test më bashkëkohor për diagnostifikim të leishmaniozës dhe shpjegim të statusit imunologjik. RIDASCREEN ® Leishmania Аb Тест, imunoanalizë enzimore (EIA) e prodhuesit gjerman R-Biopharm për përcaktim – kuantitativ të antitrupave specifike IgG kundër Leishmania infantum në serumin njerëzor.

PËRGJIGJE TË PYETJEVE MË TË SHPESHTA PËR VERAGENE

Çfarë paraqet NIPT – testi prenatal joinvasiv?

NIPT është shkurtesë për test prenatal joinvasiv (Non-invasive Prenatal Testing). Ky është test që mund të bëhet tek gratë shtatzëna gjatë shtatzënisë ose pas javës së 10-të gestacionale të shtatzënisë që të ekzaminohen gjendje të caktuara gjenetike tek fetusi. Testet NIPT bëjnë analizë të cfDNA fetale, që kalon nëpërmjet placentës dhe qarkullon në gjakun e nënës. Me analizë të ADN-së fetale mund të identifikohen gjendje të caktuara gjenetike tek fetusi, si edhe gjinia e fetusit.

Testi NIPT është i një rëndësie të madhe për çdo grua shtatzënë, sepse mundëson mënyrë precize dhe të sigurt për testimin e fetusit për çrregullime gjenetike që para lindjes. Para fillimit të këtij testi revolucionar, opsionet për testim ishin ose skriningu biokimik në kombinim me ultratingull ose diagnostikim prenatal invasiv si për shembull amniocenteza ose marrja e mostrave nga vilet korionike (CVS).

Çfarë janë gjendjet gjenetike?

Gjendjet gjenetike janë çrregullime gjenetike të shkaktuara nga ndryshime të padëshiruara në gjenomin që ndodhin gjatë kohës së ngjizjes. Me testin zbulohen tre lloje të gjendjeve gjenetike:

•      Aneuploidi janë gjendje gjenetike që shfaqen kur kromozomi ka kopje plotësuese (trisomi) ose kur i mungon kopje (monosomi)

•      Mikrodelecione janë gjendje gjenetike të shkaktuara nga fshirja e një pjese të kromozomit.

•      Sëmundje monogjenetike janë gjendje gjenetike ku lindin ndryshime patologjike në një gjen.

Çfarë paraqet VERAgene?

VERAgene është testi prenatal joinvasiv gjithëpërfshirës momentalisht i vetmi në tregun tonë që kryhen skrining të njëkohshëm të aneuploidive, mikrodelecioneve dhe 100 sëmundjeve monogjenetike. VERAgene, para së gjithash është i sigurt edhe për nënën edhe për fetusin. Nga një mostër ekskluzivisht shumë e vogël nga gjaku venoz i nënës dhe me bris gojor nga babai biologjik, mund të vlerësohet saktësisht gjendja shëndetësore e fetusit në fazën më të hershme të shtatzënisë. Mund ta bëjë çdo grua shtatzënë duke filluar nga java e 10-të gestacionale e shtatzënisë, ka saktësi të lartë prej 99% dhe paraqet test të vetëm të llojit të tillë në tregun tonë që përfshin mostër nga të dy prindërit.

Cilat çrregullime detektohen me VERAgene?

Me VERAgene kryhet testim për:

•     trisomi: Sindroma Down, sindroma Edwards, sindroma Patau;

•     aneuploidi të kromozomeve gjinore: sindroma Turner, sindromë e trefishtë X, sindroma Klinefelter, sindroma Jacobs, sindroma XXYY;

•     mikrodelecione: sindroma DiGeorge, sindroma 1p36 deletion, sindroma Smith-Magenis dhe sindroma Wolf-Hirschhorn;

•     100 sëmundje autosomale recesive dhe sëmundje X-të lidhura: beta-talasemi, fibrozë cistike, sëmundja Tay-Sachs, sëmundja Canavan, anemia e qelizave drapër, fenilketonuri, sindroma Alport dhe shumë të tjera.

Me skrining për aneuploidi, mikrodelecione dhe 2000 mutacione për 100 sëmundje monogjenetike, VERAgene siguron pamje gjithëpërfshirëse për shtatzëninë me ndihmë të vetëm një testi.

Rreziku kumulativ i fetusit të jetë i prekur nga një nga gjendjet gjenetike që ekzaminohen me VERAgene është 1 : 50 tek  shtatzëni me rrezik të mesëm deri në rrezik të lartë. Ky rrezik mund të jetë më i madh tek disa popullata etnike ku disa nga gjendjet gjenetike janë më të përfaqësuara.

 Çfarë paraqesin Sindroma Down, Sindroma Edwards dhe Sindroma Patau?

Sindroma Down, sindroma Edwards dhe sindroma Patau janë çrregullime gjenetike të shkaktuara nga trisomitë kromozomale. Sindroma Down është e shkaktuar nga kopja plotësuese e kromozomit 21, ndërsa sindroma Edwards dhe sindroma Patau janë të shkaktuara nga kopje plotësuese të kromozimit 18 respektivisht të kromozomit 13. Sindroma Down karakterizohet me pengesë intelektuale dhe çrregullime kongjenitale dhe shfaqet përafërsisht tek 1 nga 700 shtatzëni, por është më e shpeshtë tek gra shtatzëna që kanë mbi 35 vjeç.

Sindorma Edwards dhe sindroma Patau janë më të rralla dhe shfaqen tek 1 nga 3000 respektivisht tek 1 nga 10000 shtatzëni. Këto sindroma karakterizohen me çrregullime të rënda kongjenitale dhe normë të rrallë të mbijetesës në vitin e parë të jetës.

Çfarë janë aneuploiditë të kromozomeve gjinore?

Kromozomet gjinore X dhe Y janë bartës të gjeneve që e përcaktojnë gjininë (gjinia femër – ХХ, gjinia mashkull ХУ). Aneuploiditë janë çrregullime gjenetike që shfaqen kur kromozomi gjinor ka kopje plotësuese ose kur i mungon kopje.

Gjendjet e tilla gjenetike më shpesh manifestohen me aftësi të çrregullt për riprodhim, vështirësi të vogla deri në vështirësi të mëdha në të mësuarin dhe probleme me sjelljen.

VERAgene i detekton këto aneuploidi të kromozomeve gjinore:

•        Sindroma Turner karakterizohet me praninë e një kromozomi-Х dhe mugnesë e kromozomit tjetër Х. Haset vetëm tek fëmijët të gjinisë femër (monosomi X, kariotip 45,Х0)

•        Sindroma e trefishtë X karakterizohet me praninë e kopjes plotësuese të kromozomit X. Haset vetëm tek fëmijët e gjinisë femër. (trisomi X, kariotip 47,ХХХ)

•        Sindroma Klinefelter karakterizohet me praninë e kopjes plotësuese të kromozomit X. Haset vetëm tek foshnjat e gjinisë mashkull (kariotip 47, XXY)

•        Sindroma Jacobs karakterizohet me prani të kopjes plotësuese të kromozomit Y. Haset vetëm tek fëmijët e gjinisë mashkull (kariotip 47,XYY)

Çfarë paraqesin mikrodelecionet?

Këto çrregullime gjenetike lindin me fshirjen e një pjese të kromozomit. Manifestohen me anomali kongjenitale dhe pengesë intelektuale. Pesha e simptomave varion në varësi nga madhësia dhe lokacioni i mikrodelecionit. Mikrodelecioni më i përfaqësuar është sindroma DiGeorge që shfaqet tek një në një mijë shtatzëni.

Çfarë janë sëmundjet monogjenetike?

Sëmundjet monogjenetike janë gjendje që janë të shkaktuara nga mutacioni në një gjen. Sëmundjet monogjenetike që i detekton VERAgene janë të lidhura me fenotip të moderuar deri të rëndë dhe me ndikim të konsiderueshëm mbi cilësinë e jetës. Këto sëmundje gjenetike manifestojnë simptoma siç janë anomali kongjenitale, vonesë në zhvillim, humbje të dëgjimit, verbëri, çrregullime metabolike etj.

Pse prindërit e ardhshëm duhet ta bëjnë testin VERAgene?

Ndryshe nga testet e tjera prenatale joinvasive, tani me VERAgene nga vetëm një test mund të bëhet skrining komplet i gjendjes shëndetësore të fetusit që në fazë shumë të hershme të shtatzënisë. VERAgene ka karakteristika superiore në lidhje me testet e tjera prenatale sepse është testi i vetëm në tregun tonë, që përfshin mostër nga të dy prindërit dhe testi i vetëm që ofron skrining të njëkohshëm për aneuploidi, mikrodelecione dhe 2000 mutacione të 100 sëmundjeve monogjenetike. Njëkohësisht, VERAgene ndryshe nga testet e tjera prenatale nuk ka kufizim në lidhje me moshën e prindërve të ardhshëm. Testi është i validuar për shtatzëni individuale dhe me binjakë si edhe për shtatzëni të arritura me teknika të riprodhimit të asistuar (IVF) dhe mund të kryhet pas javës së 10-të gestacionale. Me këtë test në mënyrë plotësuese kryhet edhe përcaktimi i gjinisë së fetusit.

Për të gjitha pyetjet e tjera, mund të telefononi në numrin 02 3179 001 dhe të bisedoni me përfaqësues të Laboratorit Avicena ose konsultohuni me gjinekologun tuaj në lidhje me testin.

Sa kushton testi VERAgene?

Çmimi për përpunimin e testit VERAgene është 37900 denarë dhe i njëjti është i disponueshëm për pagesë në këste.

Çdo vit më 7 prill, Organizata Botërore e Shëndetësisë (OBSH) feston Ditën Botërore të Shëndetit.
Këtë vit, nën moton “Planeti ynë, shëndeti ynë”, OBSH thekson se shëndeti ynë dhe shëndeti i planetit janë të lidhur pazgjidhshmërisht dhe nevoja për t’u fokusuar në krijimin e shoqërive të shëndetshme në një planet të shëndetshëm po bëhet gjithnjë e më e dukshme.
Këtë vit, OBSH fokusohet në ndryshimin e klimës, i cili prish shumë nga përcaktuesit socialë të shëndetit dhe mirëqenies së mirë dhe çon në çrregullime të jetesës, përkeqësim të pabarazive, përkeqësim të infrastrukturës dhe pengim të aksesit në kujdesin shëndetësor dhe mbështetje sociale.

Shikoni videon informuese të Organizatës Botërore të Shëndetësisë për Ditën e Shëndetësisë: