Авицена Лабораторија одржа стручен состанок на тема „Новитети во лабораториската медицина“.

Почитувани,

Ни претставува задоволство да Ве информираме дека на ден 23.11.2016 год., ПЗУ Авицена Лабораторија организираше стручен состанок на тема „Новитети во лабораториската медицина“. Состанокот се одржа во х.Александар Палас – Скопје и на истиот беа одржани следните предавања:

› Клиничко значење на имунолошки одговор со IgE и IgG антитела- алергија или интолеранција? д-р Бранко Јагликовски, спец.по мед.биохемија

› Нови аспекти во утврдување на резистенција на антибиотици на најчестите уринарни бактериски изолати д-р Иванка Хаџи-Петрушева Мелоска, спец. по микробиологија и ПАРАЗИТОЛОГИЈА

› Авицена Лабораторија-квалитетот како врвен приоритет и имплементација на стандарди во лабораториската пракса д-р Даниела Наунова Спироска

Состанокот беше акредитиран и категоризиран според правилникот на Лекарска Комора на РМ и МЛД како стручен состанок и носеше соодветен број на поени.

По завршување на работниот дел, дружењето продолжи со коктел.

Би сакале да ја изразиме нашата благодарност за покажаниот интерес и досегашната успешна заедничка соработка

Горди сме што низ годините успеавме да поставиме стандарди за ефикасна и квалитетна лабораториска услуга во Македонија. И во иднина ќе продолжиме да работиме и да ги следиме светските трендови за да им понудиме најдобра грижа на сите наши пациенти. Највисока оцена на нашиот труд претставува токму нивната доверба. Тоа е најдобар мотив да работиме уште подобро и секогаш да се стремиме кон нови успеси.