Автор: anamarija.trenchevska@avicena.com.mk

Синдромот на полицистични јајници (PCOS) се среќава кај 1 од 10 жени ширум светот и е една од најчестите причини за нарушена плодност кај жените.

Полицистичниот оваријален синдром влијае на женскиот репродуктивен систем со тоа што предизвикува јајниците да произведуваат абнормална количина на нивоа на андрогени хормони, група на хормони одговорни за растот и репродукцијата кај жените и мажите. Aндрогените се сметаат за машки хормони бидејќи вообичаено, кај жените се произведува само мала количина на андрогени.

PCOS е именуван по акумулацијата на повеќе мали цисти во јајниците. Имено, нарушувањето на хормоналната рамнотежа предизвикува нарушување на функцијата на јајниците, односно неуспешна овулација, што резултира со формирање на цисти. Првиот познат случај на PCOS бил забележан во 1721 година, но официјалните дијагностички критериуми не биле поставени до раните 1990-ти.

Причината за PCOS се уште не е комплетно позната. Се работи за мултифакторска болест, бидејќи може да биде предизвикана од генетски, хормонални и фактори од средината, како што се наследни генетски промени, инсулинска резистенција, хронично зголемени нивоа на воспалителни реакции, стрес, лоша исхрана, токсини од околината и друго.

Најчестите симптоми на PCOS вклучуваат неправилни менструации, т.е. неконзистентни, отсутни, тешки или болни менструални циклуси, зголемена влакнетост телото, акни и главоболки. Поголемиот дел од симптомите се резултат на нарушената хормонска рамнотежа и повисоките нивоа на андрогени.

Повеќе од половина од жените со PCOS немаат никакви симптоми, освен тешкотии при зачнувањето. Всушност, неплодноста е една од главните компликации на овој синдром. Освен тоа, зголемувањето на телесната тежина поврзано со PCOS е поврзано со зголемен ризик од дијабетес тип 2, висок холестерол, нарушена толеранција на гликоза, кардиоваскуларни заболувања и хипертензија. PCOS исто така го зголемува ризикот од ендометријален карцином.

PCOS често се меша со полицистични јајници (PCO), што е многу честа состојба која се јавува кај речиси една третина од жените на репродуктивна возраст. Иако ова се поврзани состојби со заеднички симптоми, како што се неправилни менструации, акни и зголемување на телесната тежина, PCOS е метаболичко нарушување поврзано со хормонален дисбаланс. PCOS и PCO, исто така, се разликуваат во поврзаните ризици, инциденцата и третманот, при што PCOS е потешка состојба од PCO. Покрај тоа, PCO може да се дијагностицира со ултразвук, додека за дијагноза на PCOS, потребни се дополнителни тестови преку крвта за да се проверат нивоата на хормони.

Се повеќе и повеќе студии почнуваат да ги истражуваат гените поврзани со PCOS. Овие гени може да имаат директно или индиректно влијание врз плодноста на жените, бидејќи се поврзани со јајниците и се вклучени во производството на репродуктивни хормони. Денес се достапни генетски тестирања за да се идентификуваат какви било промени во гените за кои е познато дека се поврзани со PCOS, и последователно да помогне во подобрувањето на класификацијата на синдромот и неговите фенотипови, како и да се овозможи рана интервенција за намалување на ризиците поврзани со PCOS.

Иако не постои лек за PCOS, симптомите  може да се третираат. Третманот ќе зависи од различни фактори, како што се возраста на жената и нејзините точни симптоми, и главно од тоа дали жената планира бременост. Третманот на неплодност започнува со модификации на животниот стил, како што е спроведување на поздрава исхрана и започнување со физичка активност. Дури и малото губење на тежината може да помогне да се подобри способноста на телото да го регулира инсулинот и последователно да ја подобри овулацијата. Исто така, може да помогне да се зголеми ефикасноста на кој било друг лек, како што се лековите за индукција на овулацијата, за да им помогне на јајниците да ги ослободат јајце-клетките.

 За жените кои не планираат бременост во блиска иднина, оралните контрацептиви можат да ги намалат нивоата на андрогени хормони и да третираат различни симптоми, како што се нередовната менструација, прекумерниот раст на влакната и акните. Лековите за дијабетес може да се користат за лекување на високата инсулинска резистенција.

Зголемувањето на свеста за PCOS може да ја промовира потребата за навремена дијагноза и да го подобри третманот и прогнозата кај засегнатите жени.

Во Авицена Лабораторија се изработува панелот за женска неплодност – Rodinia, кој може да открие мутации кои предизвикуваат синдром на полицистични јајници заедно со многу други состојби.  Повеќе можете да прочитате на следниот линк: https://avicenalab.com.mk/rodinia-paneli-za-neplodnost-ka-mazhi-i-zheni/

Секогаш разговарајте со вашиот лекар во врска со вашата здравствена состојба.Содржината на овој напис е наменета само за информативни цели и не треба да се смета за медицински совет.

Извор: https://nipd.com/articles/blog/polycystic-ovary-syndrome-and-fertility/

Авицена Лабораторија го зголемува своето портфолио и започнува со изработка на генетски тестови за неплодност кај мажи и жени.

Новото портфолио генетски тестови, кои ќе им помогнат на пациентите да добијат најдобра можна дијагностичка услуга, за која не е потребно да ги посетуваат лабораториите во странство, туку отсега тестовите од светски размери кои се применуваат во најсовремените медицински центри во светот, се достапни и во нашата држава.

“Rodinia” – Генетски панели за откривање на причината која предизвикува неплодност кај мажи и жени. Овие два панели, панел за „женска“ и панел за „машка“ неплодност можат да им помогнат на паровите и младите лица, успешно да го детектираат генетскиот причинител кој ја предизвикува неплодноста, да ја спречат оваа состојба и да започнат навремен третман.

Rodinia претставува тест за скрининг на генетски промени (мутации) поврзани со неплодноста. Преку идентификување на генетската причина за неплодноста, можете да донесете информирани и точни одлуки, кои ќе резултираат со најдобриот план за клинички третман за вас, а тоа ќе помогне да се зголемат шансите за зачнување.

Тестот Rodinia е соодветен за парови или поединци што не можат да остварат бременост, млади лица со суспектно нарушување на сексуалниот развој и лица со семејна историја на неплодност.

За кого е наменет Rodinia?

Rodinia ПАНЕЛ ЗА ЖЕНСКА НЕПЛОДНОСТ:

Вклучува тестирање на X-хромозомите и нарушувања, како што се примарна оваријална инсуфициенција, синдром на полицистични јајници, хипогонадотропен хипогонадизам и синдром на оваријална хиперстимулација.

Цена: 30.500 денари

Издавање резултати: 2 – 4 СЕДМИЦИ

ПОТРЕБЕН ПРИМЕРОК: БУКАЛЕН БРИС (брис од уста).

Rodinia ПАНЕЛ ЗА МАШКА НЕПЛОДНОСТ

Вклучува тестирање на X и Y-хромозомите, вклучуваќи и микроделеции на Y-хромозомот и нарушувања како што се хипогонадотропен хипогонадизам, како што е Калманов синдром.

Цена: 30.500 денари

Издавање резултати: 2 – 4 СЕДМИЦИ

ПОТРЕБЕН ПРИМЕРОК: БУКАЛЕН БРИС (брис од уста).

Цена со попуст за изработка на двата панели (доколку двајцата партнери се тестираат заедно): 58.500 денари

Погледнете ја листата на панели и гени.

Погледнете ја брошурата Rodinia тука.

“Presentia” – Генетски панели за детекција на мутации кои предизвикуваат наследни видови рак на дојка, јајници и рак на матка. Тестотвите претставуваат револуционерно решение за предвидување ризик од рак како и помагаат на оние пациенти кои веќе се дијагностицирани со болеста, да ја дознаат причината за појава на ваквата состојба.

ШТО Е КАНЦЕР?

Канцерот претставува брз и неконтролиран развој на абнормални клетки. Канцерот претставува втора глобална причина за смрт, одговорен за смртта кај 1 од 6 лица на светско ниво. Светската здравствена организација (СЗО) препорачува дека смртноста од канцер може значително да се намали со рана детекција и со соодветно клиничко управување со случаите на канцер.

КАКО СЕ РАЗВИВА КАНЦЕРОТ?

ШТО ПРЕТСТАВУВААТ „НАСЛЕДНИТЕ СИНДРОМИ НА КАНЦЕР“?

Наследните синдроми на канцер исто така се познати и како предиспозициски синдроми за канцер поради тоа што лицата со овие синдроми имаат зголемен ризик од развој на конкретни видови канцер во иднина.

Ваквите состојби се појавуваат кога гените што имаат суштинска улога во чувањето на здравјето на нашето тело мутираат, а тоа предизвикува голем број симптоми и потенцијално влијае врз квалитетот на животот. Тие се пренесуваат од една генерација на следната.

Доколку во семејната историја имате канцер и сакате да знаете колкав е вашиот ризик, PreSENTIA може да помогне. Преку идентификување на мутираните гени што би можеле да предизвикаат синдроми на наследен рак, PreSENTIA може да даде информации што би биле корисни во рамките на клиничкото справување со состојбата. Доколку ви е дијагностициран канцер и ги имате горенаведените карактеристики, можно е да имате синдром на наследен канцер. Преку негово идентификување, може да се утврди како и зошто се појавил канцерот.

Зошто PreSENTIA?

• Се врши процена на клинички важните генетски мутации
• Кратко време на обработка на биолошкиот материјал
• Безбеден и лесен тест
• Благодарејќи на тоа што се фокусира само на тестираните  генетски промени, PreSENTIA е точен и прецизен.

Панелите PreSENTIA се користат за тестирање многубројни генетски промени што се одговорни за предизвикување наследни канцери. Доколку пациентите сакаат да дознаат повеќе за нивниот ризик за развивање канцер или ако веќе пациентот бил дијагностициран канцер и сака да знае дали канцерот е наследен, PreSENTIA може да помогне.

PreSENTIA може потенцијално да ги идентификува генетските промени што би предизвикале канцер. Тоа има голем број придобивки во однос на планирањето, прогнозата и носењето подобри одлуки за третманот на болеста:

• Насочено следење на канцерот – препорачани тестови за скрининг во клучни временски интервали со цел рана детекција на канцерот, кога третманот е далеку поделотворен
• Спречување на канцерот со преземање профилактички мерки
• Добивање корисни информации за членовите од семејството што би можеле да ја носат истата генетска мутација
• Подобрена класификација на болеста со цел подобро клиничко справување со болеста
• Медикаментозна терапија (хемопревенција), каде што е можно

PreSENTIA Панел 1: РАК НА ДОЈКА, МАТКА И ЈАЈНИЦИ

PreSENTIA панелот за рак на дојка/гинеколошки видови рак врши тестирање на многубројни мутации на гените кои во иднина би можеле да предизвикаат рак на дојка, јајници или на матка. Со рана детекција на овие мутации PreSENTIA им помага на пациентите да донесат подобри и по информирани одлуки во врска со своето здравје.

За кого е овој тест?

• Пациенти кои имаат неколку членови на семејството болни од рак
• Членови на семејството со ран почеток на рак
• Членови на семејството со ретки видови на рак
• Член на семејството со повеќе видови на рак
• Член на семејството на кој му е дијагностицирана  мутација поврзана со рак на јајници, матка или гради
• Лична историја на претходни малигни заболувања

Цена: 29.500 денари.

Издавање резултати: 2 – 4 СЕДМИЦИ

ПОТРЕБЕН ПРИМЕРОК: БУКАЛЕН БРИС (брис од уста).

PreSENTIA Панел 2: РАК НА ДОЈКА (BRKA1 & BRCA2 МУТАЦИИ)

Наследен генетски панел кој врши детекција на BRCA1/BRCA2 мутациите кои можат да предизвикаат рак на дојка и јајници. Со рана детекција на овие мутации PreSENTIA им помага на пациентите да донесат подобри и поинформирани одлуки во врска со своето здравје.

За кого е овој тест?

• Неколку членови на семејството заболени од рак на истата страна од семејството
• Повеќекратни видови на рак кај ист член на семејството
• Членови на семејството со ран почеток на рак
• Членови на семејството со ретки видови на рак
• Член на семејството на кој му е дијагностицирана герминативна мутација поврзана со подложност на рак
• Историја на претходни малигни тумори

Цена: 24.900 денари.

Издавање резултати: 2 – 4 СЕДМИЦИ

ПОТРЕБЕН ПРИМЕРОК: БУКАЛЕН БРИС (брис од уста).

ДАЛИ Е ПОТРЕБЕН ЗАКАЖАН ТЕРМИН?

За да се изработи тестот не е потребен закажан термин. Можете да нé посетите во рамките на работното време на нашите лаборатории.

ДОПОЛНИТЕЛНИ ПРАШАЊА?

Ако имате дополнителни прашања во врска со тестот, обратете се кај вашиот лекар или исконтактирајте нé на lab@avicenalab.com.mk или преку нашиот контакт центар: 02 3179 001.

Погледнете ја брошурата PreSENTIA на следниот линк.

Детална генетска слика за здравјето на вашето малечко!

“Oreana” – Тест кој овозможува детална генетска слика за здравјето на новороденчиња, доенчиња и мали деца. Тестот е развиен со помош на најнова генерација биоинформатичка анализа и помага да се детектираат 106 нарушувања кои можат да направат пречки во развој кај децата.

Неонаталниот скрининг Oreana може да открие состојби што може да се третираат или што може да се стават под контрола уште пред појавата на првите симптоми. Со помош на раниот третман и план за спречување на болеста, може да се избегнат симптомите, а здравствените проблеми може да се сведат на миниум или целосно да се спречат.
Oreana, исто така, може да се користи и кај новороденчиња, доенчиња и деца што покажуваат симптоми на генетска болест што тешко може да се идентификува. Во вакви случаи, Oreana може да помогне во изборот на соодветна терапија, која ќе му помогне на детето.

Неонаталниот тест за скрининг Oreana e наменет за 106 генетски нарушувања што подлежат на третман или, пак, чија состојба може да се подобри благодарејќи на раната детекција. Меѓу другите, со помош на Oreana се врши тестирање на:

Со Oreana, се врши раната детекција на состојби што може да го променат животот на детето, како и може да има голем придонес за здравјето и квалитетот на животот. Почетните симптоми на голем број од овие состојби вклучуваат недостиг на енергија, проблеми со дишењето, повраќање, тешкотии со хранењето и епизоди на метаболни кризи што налагаат итна нега. Иако третманот може да започне откако детето ќе почне да ги покажува првите симптоми, што може да се случи неколку седмици или месеци по раѓањето, растот и развојот на детето веќе се засегнати од состојбата. Раната детекција и започнувањето на третманот колку што е можно порано е најсоодветниот начин за спречување на појавата на симптоми или за сведување на минимум на влијанието на состојбата.

Со помош на Oreana може да се тестираат 142 гени и 106 автосоматски рецесивни, автосоматски доминантни и Х-поврзани хромозомски нарушувања. Нарушувањата што се тестираат со помош на Oreana се вклучени во Панелот за препорачани униформни скрининзи, што претставува список на нарушувања избрани врз основа на препораките на Американскиот колеџ за медицинска генетика (АКМГ) за скрининг кај новороденчиња, со чија рана детекција може да се спречат или да се намалат сериозните последици на одредени состојби, како што се застој во развојот, когнитивни нарушувања, невролошки и физички тешкотии.

ЕДНОСТАВЕН ПРИМЕРОК

Тестирањето е брзо и безбедно за дечињата. За изработка на Oreana, во Авицена Лабораторија се користат специјализирани меки стапчиња со кои се зема биолошки материјал од внатрешноста на образот на детето, со кружни движења. Постапката е безболна и трае само неколку секунди.

БРЗИ РЕЗУЛТАТИ

Резултатите се добиваат брзо, па така, ако е потребно, вашето бебе може да започне со соодветен третман во најкраток можен рок.

СУПЕРИОРНА ТЕХНОЛОГИЈА

Супериорна технологија развиена од врвни експерти што дава точни резултати.

ПРЕЦИЗНА ДЕТЕКЦИЈА

Врши тестирање на генетски мутации што  предизвикуваат болести пропратени со сериозни здравствени проблеми.

ДЕТЕКТИРА 106 НАРУШУВАЊА

Ги надополнува рутинските програми за скрининг кај новороденчиња со кои се тестираат помал број нарушувања.

КОГА Е ИДЕАЛНОТО ВРЕМЕ ДА СЕ НАПРАВИ ТЕСТОТ?

Вашето дете може да се тестира по раѓањето, сè до раното детство. Идеално, колку порано се изврши тестирањето, толку порано ќе се знае дали детето е засегнато од дадена состојба и ќе може да започне со третман, а со тоа ќе се спречат симптомите или, пак, влијанието на болеста ќе се сведе на минимум.

КОИ СОСТОЈБИ МОЖЕ ДА СЕ ТЕСТИРААТ СО Oreana?

Со помош на Oreana може да се тестираат 106 генетски состојби, со чија рана детекција може да се спречат или да се намалат сериозните последици на одредени состојби, како што се застој во развојот, когнитивни нарушувања, невролошки и физички тешкотии. Тестираните состојби може да се јават како резултат на наследна состојба од родителите што не се свесни за нивниот статус на носители, со или без претходна семејна историја на такво нарушување.

КОЛКУ ЧИНИ ТЕСТОТ Oreana?

Цена: 27.900 денари.

Кое е времето на издавање резултати за Oreana?

Издавање резултати: 2- 3 СЕДМИЦИ

ДАЛИ Е ПОТРЕБЕН ЗАКАЖАН ТЕРМИН?

За да се изработи тестот не е потребен закажан термин. Можете да нé посетите во рамките на работното време на нашите лаборатории.

ДОПОЛНИТЕЛНИ ПРАШАЊА?

Ако имате дополнителни прашања во врска со тестот, обратете се кај вашиот лекар или исконтактирајте нé на lab@avicenalab.com.mk или преку нашиот контакт центар: 02 3179 001.

Листа на нарушувања кои се тестираат со Oreana.

Погледнете ја брошура Oreana тука.

Автор на статијата: Д-р Бранко Јагликовски, специјалист по медицинска биохемија

Аполипопротеините (Apo A-I и Apo B).

Студиите покажале дека анализите Apo A-I и Apo B се корисни во проценка на ризикот од атеросклероза и имаат поголема прогностичка вредност од самостојните анализи на „добриот” и „лошиот” холестерол HDL и LDL.

Apo A-I и Apo B се главни протеински компоненти на HDL и LDL- аполипопротеинот Б (ApoB) е примарна протеинска компонента на липопротеинот со ниска густина (LDL), а аполипопротеинот А1 (ApoA1) е примарна протеинска компонента на липопротеинот со висока густина (HDL). Лица со атеросклеротични васкуларни промени често покажуваат намалени нивоа на Apo A-I  и зголемени нивоа на Apo B.

Особено моќен параметар за проценка на ризикот од атеросклероза е коефициентот Apo A-I / Apo B: колку е поголема вредноста на коефициентот, толку е поголем ризикот за појава на атеросклероза.

Липопротеин (а) (Lp [a])

Lp(a) е фактор на ризик за срцеви заболувања, особено кога LDL холестеролот е исто така покачен. Lp(a) е липопротеин кој содржи јадро богато со липиди опкружено со два протеини, аполипопротеин Б100 и аполипопротеин (а).

Lp(a) се задржува во ѕидот на артеријата повеќе од LDL холестеролот бидејќи се врзува за внатрешноста на артеријата преку аполипопротеинот (а). Исто така, се смета дека Lp(a) го зголемува ризикот од срцев удар со влијание на механизмите на згрутчување на крвта и со тоа придонесува за развој на коагулуми на внатрешната површина на крвните садови. Ова двојно дејство може да ја објасни улогата на Lp(a) во развојот на кардиоваскуларните болести (КВБ).

Концентрациите на Lp(a) во крвта се генетски детерминирани и ќе останат прилично константни кај поединецот во текот на животот. Концентрацијата не е засегната од исхраната, вежбањето и другите модификации на животниот стил кои се користат за намалување на липидите во крвта. Концентрациите на Lp(a) се малку пониски кај мажите отколку кај жените и малку се зголемуваат кај жените по менопаузата.

Одредувањето на Lp (a) во крвта е корисно за следење на пациенти со коронарна срцева болест кај лица со постоечка болест или семејна историја за болеста. Зголемените концентрации на Lp (a) се директен показател за зголемен ризик за коронарна срцева болест.

Комбинацијата од овие анализи т.н СПЕЦИФИЧЕН ЛИПОПРОТЕИНСКИ СТАТУС (Apo A-1 + Apo B + Lp[a]) претставува скрининг алатка/маркер за одредување ризик за појава на кардиоваскуларни заболувања и атеросклеротични васкуларни промени кај лица без и со претходна историја за постоење болест. Оваа комбинација на анализи овозможува и е клучна за поставување дијагноза, следење на одговор на терапија, а утврдувајќи го ризикот значително помага да се спречи развој на многу патолошки состојби.

Тестовите кои се работат во Авицена Лабораторија се високосензитивни и специфични, се работат на комплетно автоматизиран инструмент од производителот Siemens Healthcare Diagnostics, a самата автоматизирана постапка и високопрецизна технологија овозможува дополнителна сигурност и објективност, за точен и прецизен резултат.

ЦЕНА:

Аполипоротеин А-I (Apo A-I)                                                                          600,00 денари

Аполипоротеин B (Apo B)                                                                        600,00 денари

Липопротеин (а) (Lp [a])                                                                          600,00 денари

ПАКЕТ – Специфичен липопротеински статус (Apo A-1 + Apo B + [a])    1400,00 денари

ДАЛИ ПРИЧИНАТА ЗА ВАШИОТ ПРОБЛЕМ Е ИНТОЛЕРАНЦИЈА НА ХРАНА?

Понекогаш, одредени лица имаат невообичаена реакција кон одредена храна или состојка од храна!

Што е интолеранција на храна?

Интолеранција на храна претставува одложена реакција на организмот на одреден вид храна или состојки од храна, при која се создаваат специфични IgG антитела. Станува збор за низок степен на долготрајна хронична воспалителна реакција што трае сè додека се консумира храната што ја поттикнува реакцијата.

Овој тест ги детектира токму овие IgG4 антитела, давајќи јасна слика за интензитетот на реакцијата на организмот кон одредениот вид храна.

Симптоми

За разлика од алергиите што се најчесто со акутен и интензивен почеток на симптомите (2 часа или помалку) и може да бидат предизвикани и од присуство на траги на алергените, интолеранцијата е побавна, со одложен и понекогаш непрепознатлив почеток на манифестирање на симптомите (до 72 часа), за чиј интензитет е битно и количеството на внесената храна.

И покрај тоа што симптомите во многу случаи може да бидат многу слични, со помош на овој докажан и сертифициран тест се прави јасна диференцијација и се овозможува брзо и прецизно утврдување на причината на појавата на симптомите.

Воспалителните процеси може да се манифестираат на различни органи и системи и да предизвикаат широк спектар на симптоми.

Тестови за интолеранција на храна со најнова технологија, достапни во Авицена Лабораторија:

• Прецизни и сертифицирани тестови од врвен германски производител за детекција на специфични IgG4 антитела.
• Избор од 3 панели, секој со по 40 видови храна или состојки од храна, за насочена, брза и ефикасна детерминација.
• Моќен софтвер со најнова технологија за високосензитивна детекција и прецизна и точна интерпретација на резултатите.
• Целосно исчезнување на симптомите и подобрување на здравствената состојба по диета базирана врз основа на резултат добиен од тест за интолеранција на храна.

Панел 1:

Ги содржи следните видови храна: Лосос, Бакалар, Харинга, Ракчиња, Школки, Свинско месо, Говедско месо, Пилешко месо, Пченица, ‘Рж, Овес, Пченка, Ориз, Хељда, Амарант, Морков, Целер, Зелка, Лук, Кромид, Грашок, Боранија, Соја, Кикирики, Домат, Краставица, Компир, Синап, Белка од јајце, Жолчка од јајце, Млеко, Козјо млеко, Овчо млеко, Портокал, Банана, Јаболко, Киви, Лешник, Орев, Бадем.

Панел 3:

Ги содржи следните видови храна: Туна, Пастрмка, Северноатлантски бакалар, Харинга, Острига, Ракчиња, Месо од патка, Пилешко месо, Мисиркино месо, ‘Рж, Хељда, Јачмен, Тврда пченица, Просо, Киноа, Глутен, Домат, Кромид, Тиквичка, Зелена маслинка, Леќа, Грашок, Боранија, Млеко, Овчо млеко, Козјо млеко, Банана, Киви, Лимон, Јагода, Ананас, Сончогледово семе, Семе од тиква, Синап, Босилек, Ѓумбир, Кафе, Какао, Шампињони, Ориз.

Панел 5:

Ги содржи следните видови храна: Штука, Сардина, Костреш (риба), Халибут (риба), Еленско месо, Телешко месо, Анасон, Бакла, Спанаќ, Кељ, Модар патлиџан, Цвекло, Шпаргла, Црвен грав, Јапонска трупка (дајкон), Прокељ, Папаја, Јогурт, Моцарела, Павлака, Изварка, Нектарина, Црвена рибизла, Брусница, Грејпфрут, Суво грозје, Црна рибизла, Лубеница, Пекански орев, Бразилски орев, Кокосов орев, Борови семки-пињоли, Макадамиски орев, Морско оревче, Мајчина душица Жалфија, Семе од коријандер, Ленено семе, Костен, Келп (морска трева).

Што по добивањето на резултатот?

• Фаза на елиминација

Храната за која е добиен позитивен резултат треба комплетно да се избегнува, 2 до 6 недели во зависност од реакцијата. На овој начин, настанатите инфламаторни процеси може да се намалат или комплетно да се повлечат.

Останатата храна кон која нема покачени нивоа на IgG антитела може да се консумира во 4-дневен циклус на ротација. (На пример, ако се јадат одредени видови храна еден ден, тие треба да се избегнуваат во следните 3 дена.) Ова помага да се спречи развојот на нови одложени реакции на организмот.

• Фаза на повторно воведување храна

Во оваа фаза се започнува провокациска диета преку која постепено се вклучуваат избегнуваните намирници.

Намирниците се внесуваат една по една, со цел полесно препознавање на храната што сè уште предизвикува симптоми. Доколку повторно се појави реакција, храната од менито се избегнува.

• Фаза на стабилизација

За време на оваа фаза, храната што предизвикува реакција при процесот на повторно воведување се избегнува за најмалку една година со цел намалување на IgG антителата и подобрување на состојбата на организмот.

По ова, пациентот повторно ја започнува фазата на воведување храна. Кај некои пациенти можеби ќе биде потребно доживотно избегнување еден или повеќе видови храна.

За подетални информации во врска со панелите контактирајте не на 02 3179 001.

Без закажан термин, достапни во сите лаборатории на Авицена Лабораторија!

Вообичено, улогата на витамин Д се поврзува со здравјето на коските и коскениот метаболизам. Сепак, улогата на Витамин Д е многу поширока, бидејќи тој учествува во многу сложени процеси во човечкото тело. Во претходните наши текстови, го истакнавме значењето и улогата на витаминот Д во повеќе сложени процеси во нашето тело, можете подетално да прочитате на следниот линк: https://avicenalab.com.mk/vitamin-d-e-vazhen-za-zdravjeto-na-koskite-no-i-za-celokupnoto-zdravje/. Во овој текст се посветуваме повеќе на улогата на Витаминот Д за одржување здрава кожа и коса.

Кои се главните извори на Витаминот Д во нашето тело?

Нашето тело добива витамин Д на два начина. Мала количина на активен витамин Д во форма на холекалциферол (витамин Д3) може да се добие од исхраната од животинско потекло: храна со значителни нивоа на витамин Д се жолчката од јајце и одредени сини риби. Ергокалциферол, друга форма на превитамин Д (витамин Д2), се наоѓа во мали количини во растителна храна, како што се некои видови печурки и квасци.

Друг начин на кој телото го добива витаминот Д е изложувањето на сончевото ултравиолетово зрачење. Затоа, витаминот Д се нарекува и „Сончев витамин“ бидејќи примарен извор е синтезата во кожата по изложување на сонце.

Бидејќи примарната врска помеѓу витаминот Д и кожата започнува со синтезата на витаминот Д во кожата, која е најголемиот орган на човечкото тело, механизмите со кои овој витамин влијае на здравјето на кожата на нашето лице, тело, но и скалпот, а со тоа и нашата коса ќе бидат тема на овој текст.

Сонцето, витаминот Д и кожата

Телото произведува витамин Д само кога кожата е директно изложена на сонце – кожата изложена на сонце преку прозорец во затворен простор нема да произведува витамин Д. Облачното време и темната боја на кожата исто така ја намалуваат количината на витамин Д која кожата ја произведува, додека светлaта кожа има подобра апсорпција. Така, на луѓето со посветла кожа им требаат околу 15 минути изложување на сонце, додека на луѓето со потемна кожа им требаат дури неколку часа за иста количина на витамин Д.

Сепак, исто како што може да ја зајакне нејзината отпорност и позитивно да влијае на одредени кожни болести, премногу време поминато на сонце може да ја оштети вашата кожа, да предизвика изгореници од сонце и да го зголеми ризикот од рак на кожата, затоа обидете се да ја ограничите изложеноста на сонце.

Витамин Д –  важна улога во биолошките процеси во кожата

Активната форма на витаминот Д, познат и како калцитриол, се синтетизира во кератиноцитите – тоа се специјализирани клетки на кожата кои произведуваат кератин, протеин кој се наоѓа во косата, ноктите и кожата. Тие постојано се делат за да произведат нови клетки кои ќе ги сочинуваат горните епидермални слоеви и ќе и дадат на нашата кожа стабилно снабдување со нови клетки, што е особено важно бидејќи кератиноцитите претставуваат околу 95% од вкупните клетки на кожата. Утврдено е дека стапката на обновување и делба на клетките е поврзана со количината и присуството на витамин Д во нашето тело. Затоа, недостатокот на витамин Д може да доведе до истенчување на кожата, која станува сува и почнува да се опушта. Покрај тоа, кога телото нема доволно витамин Д, кератиноцитите во фоликулите на косата имаат проблем со регулирање на растот и опаѓањето на косата.

Нашето тело произведува витамин Д во одредена количина, но како што старееме овие процеси се забавуваат. Откриено е дека луѓето постари од 50 години се помалку способни да синтетизираат витамин Д од сончевата светлина. Исто така, кај жените во менопауза, некаде околу педесеттата година, природното производство на овој витамин значително се намалува, а тоа се одразува и на кожата на лицето. Образите се релаксираат, а усните се спуштаат надолу. Дополнувањето на витаминот Д значително помага за обновување на кожата не само со зголемување на поделбата на кератиноцитите и со тоа зголемување на нивниот број, туку кога витаминот Д ќе стигне до подлабоките слоеви на кожата, го активира создавањето на дополнителни протеини. Се произведува поголемо количество на колаген и еластин, кои заедно даваат цврстина на кожата, создаваат штит и ја зајакнуваат заштитната бариера на кожата на лицето. Некои неодамнешни истражувања покажуваат дека витаминот Д може да го контролира и процесот на стареење на кожата преку неговата улога во регулирањето на воспалението, намалувањето на оксидативниот стрес/слободите радикали, генетските промени, нарушувањата на ДНК и промените во нивото на калциум. Затоа, примената на витамин Д, било со директно нанесување на кожата и/или како додаток на храна ( капсули, капки и сл,), го спречува стареењето на кожата и придонесува за подмладување на кожата.

Витамин Д – врска со акни, мозолчиња и мрсна/сува кожа

Симптомите кои најчесто се појавуваат на кожата како резултат на недостаток на витамин Д вклучуваат:

• Појавата на акни и мали мозолчиња на лицето
• Забрзано стареење на кожата (предвремено појавување на брчки и фини линии)
• Опуштеност на кожата
• Лупење на кожата
• Егзема
• Розацеа

Според дефиницијата, акните (лат. acne vulgaris) се воспалително заболување на кожата, предизвикано од промени во фоликулот на влакното и лојната жлезда. Промените во нивото на хормоните, бактериите, зголеменото лачење на себум и личната хигиена се примарните причини за појава на акни. Ако имате акни, недостатокот на витамин Д исто така може да биде дел од она што ги предизвикува или влошува вашите симптоми.

Кога заштитната бариера на кожата е оштетена, таа е  сува, клетките губат вода и процесите на регенерација се забавуваат. Потешка форма на сува кожа, која е придружена со лупење, се покажало дека е поврзана со ниско ниво на витамин Д. Од друга страна, недостатокот на витамин Д може да биде причина и за мрсна кожа и коса. Доволното внесување на витамин Д, било преку апликација, сончање, диета или суплементација ќе ја направи кожата хидрирана, мазна, еластична и што е најважно – здрава.

Улогата на витаминот Д во третманот на кожни болести

Дејството на витаминот Д во кожата е имуномодулаторно. Покрај тоа, витаминот Д делува на формирањето на заштитната бариера на кожата и игра важна улога во создавањето и регулирањето на антимикробните пептиди, што промовира локална отпорност на инфекции. Токму затоа недостатокот на витамин Д во организмот може да игра значајна улога во патогенезата и лекувањето на широк спектар на кожни болести.

Кожни болести поврзани со промени во нивото на витамин Д:

• Псоријаза
• Витилиго
• Атопичен дерматитис
• Акни и розацеа
• Вродена ихтиоза (Ichthyosis congenita)
• Воспаление на потните жлезди (Hidradenitis suppurativa)
• Системски лупус еритематозус
• Полиморфна светлосна ерупција, алергија на сонце
• Алопеција ареата
• Меланом
• Рак на кожа

Една од најпознатите апликации на витаминот Д во однос на здравјето на кожата е третман на псоријаза (хронична воспалителна болест на кожата која погодува 2-3% од светската популација, состојба поврзана со ослабен имунолошки систем). Иако патогенезата на псоријазата не е целосно разбрана, постојат многу докази кои сугерираат дека дисрегулацијата на имуните клетки на кожата, особено Т-клетките, игра клучна улога во развојот на псоријазата и се истражува и можната улога на недостаток на витамин Д во развојот за болеста.

Витилиго е стекнато нарушување на пигментацијата кое се карактеризира со области на депигментација на кожата, косата и/или мукозните мембрани со различни големини и е предизвикано од уништување на функционалните меланоцити (клетки кои произведуваат пигмент на кожата – меланин) во епидермисот. Одредени студии докажале дека дури 70,5% од пациентите со витилиго имаат дефицит на витамин Д.

Недостаток на витамин Д и губење на косата

Губењето на косата кај жените и мажите е нормална појава. Секое влакно има свој животен век и сосема е нормално да паѓаат до 100 влакна во текот на денот. Сепак, многу луѓе се соочуваат со проблемот на прекумерно опаѓање на косата. Ова може да доведе до ќелавост или алопеција. Губење на косата настанува кога фоликулот е зафатен од некоја штетна супстанција однадвор или одвнатре. Најчести причини се бременост, психолошка траума, болест, хоспитализација, операција, неухранетост и лекови.

Витаминот Д го стимулира растот на фоликулите и затоа неговиот недостаток доведува до опаѓање на косата и други недостатоци како кршлива и крута коса која често не може да расте до одредена должина.

Опаѓањето на косата кај жените поради недостаток на витамин Д е многу честа појава, а особено е изразена кај жените во менопауза (по 50-та година од животот), кога има пад на производството на витамин Д во кожата. Утврдено е дека дури 95% од жените со опаѓање на косата имаат намалено ниво на витамин Д.

Губењето на косата и COVID-19

Губењето на косата по болест и стрес не е невообичаена. Еден од симптомите што се јавуваат како резултат на продолжен COVID-19 е губење на косата. Околу 20% од пациентите откако ќе се заразат со овој вирус имаат проблем со опаѓање на косата. Според најновата студија објавена во 2022 година во Irish Journal of Medical Science, инфекцијата со СОВИД-19 влијае на циклусот на раст на косата и е главната причина за акутно прекумерно опаѓање на косата. Ова губење на косата  е дифузно губење на косата кое обично се јавува 2-3 месеци по вирусна инфекција и трае до 6 месеци. Имајќи предвид дека постои директна корелација помеѓу недостатокот на витамин Д во крвта и сериозноста на клиничката слика по COVID-19, може да се заклучи дека ова е една од причините за опаѓање на косата по закрепнувањето од СОVID-19. Треба да се нагласи дека зголеменото опаѓање на косата не е специфично само за СОВИД-19, туку може да се појави после било каква вирусна или друга инфекција.

Извори:

Sharquie KE, Jabbar RI. COVID-19 infection is a major cause of acute telogen effluvium. Ir J Med Sci. 2022 Aug;191(4):1677-1681. doi: 10.1007/s11845-021-02754-5.

Gašparini, D. i Kaštelan, M. (2021). Vitamin D i koža. Medicina Fluminensis, 57 (4), 356-364. https://doi.org/10.21860/medflum2021_264890

Saini K, Mysore V. Role of vitamin D in hair loss: A short review. J Cosmet Dermatol. 2021 Nov;20(11):3407-3414. doi: 10.1111/jocd.14421.

Zubair Z, Kantamaneni K, Jalla K, Renzu M, Jena R, Jain R, Muralidharan S, Yanamala VL, Alfonso M. Prevalence of Low Serum Vitamin D Levels in Patients Presenting With Androgenetic Alopecia: A Review. Cureus. 2021 Dec 15;13(12):e20431. doi: 10.7759/cureus.20431.

Sanke S, Samudrala S, Yadav A, Chander R, Goyal R. Study of serum vitamin D levels in men with premature androgenetic alopecia. Int J Dermatol. 2020 Sep;59(9):1113-1116. doi: 10.1111/ijd.14982.

F.J. Navarro-Triviño, S. Arias-Santiago, Y. Gilaberte-Calzada, Vitamin D and the Skin: A Review for Dermatologists, Actas Dermo-Sifiliográficas (English Edition), Volume 110, Issue 4, 2019, Pages 262-272, ISSN 1578-2190,  https://doi.org/10.1016/j.adengl.2019.04.001. (https://www.sciencedirect.com/science/article/pii/S157821901930112X)

Lin, X., Meng, X., & Song, Z. (2019). Vitamin D and alopecia areata: possible roles in pathogenesis and potential implications for therapy. American Journal of Translational Research, 11(9), 5285–5300.

Daroach M, Narang T, Saikia UN, Sachdeva N, Sendhil Kumaran M. Correlation of vitamin D and vitamin D receptor expression in patients with alopecia areata: a clinical paradigm. Int J Dermatol. 2018 Feb;57(2):217-222. doi: 10.1111/ijd.13851.

Со задоволство ви најавуваме дека почнувајќи од утре 7.7.2022 (четврток) со цел да ги задоволиме барањата и потребите на сите наши клиенти, започуваме со работа на нова локација во населба Кисела Вода во Скопје.

Нашата четврта лабораторијата се наоѓа на улица „Мариовска“ бр.2-А, веднаш по звршувањето на улицата „Народни Херои“, на фрекфентна и добро позната локација. Новата лабораторија е во склоп на модерен објект, целосно ориентиран кон барањата и потребите на клиентите, а пред самата лабораторија е достапен и бесплатен паркинг простор.

Погледнете ја точната локација на лабораторијата на следниот линк:

Сите четири лаборатории (три во Скопје и една во Тетово) се опремени со најсовремена опрема од областа на лабораториската дијагнoстика, со кои раководи искусен и професионален тим, вклучувајќи врвни доктори специјалисти по медицинска биохемија и микробиологија.

Лабораторијата на 7.7.2022 ги отвора вратите за сите наши клиенти и стои на располагање за извршување секаков вид лабораториски тестирања секој работен ден од 7-18 часот и сабота од 8 – 14 часот.

Напредокот на науката доведе до развој на широка палета на лабораториски анализи, за секој период од животот на една жена. Голем број на жени се соочуваат со многу предизвици, од моментот на зачнување, па до раѓање на нивното дете. Лабораториските анализи и услуги се суштинска компонента во текот на секоја бременост, бидејќи обезбедуваат важни информации за следењето на здравјето на идната мајка и нејзиното бебе.

Во Авицена Лабораторија се достапни најголем број на рутински и специфични анализи кои се прават во текот на бременоста, а обезбедуваат корисни информации за здравјето на мајката и бебето.

ТЕСТ ЗА ПОТВРДА НА БРЕМЕНОСТ

Beta HCG – Одредување на нивото на Beta HCG служи како тест за бременост преку крв, како надополнување на домашниот тест за бременост.

ПРЕПОРАЧАНИ АНАЛИЗИ ВО ПРВ ТРИМЕСТАР ( 0-12 гестациска седмица )

Комплетна крвна слика, хемоглобин и седиментација  – Значително намалување на бројот на црвени крвни клетки (еритроцити), заедно со намалена вредност на хемоглобинот, укажуваат на можна анемија (слабокрвност), пореметување кое е често во бременоста, а е најчесто предизвикано од недостатокот на железо и фолна киселина (витамин B9).

Анализа на урина и уринокултура (микробиолошки преглед на урина).

Скрининг за инфективни заболувања преку крв и микробиолошки брисеви: TORCH,  HIV1/2, HBV, HCV.

Раниот скрининг и третман на инфекции е од клучно значење за правилен развој на фетусот и здравјето на бебињата за време на бременоста и по породувањето.

Овие тестови даваат информација дали моментално постои инфекција, како и тоа дали инфекцијата некогаш била присутна. Причинителите на овие инфекции можат да поминат низ плацентата и да предизвикаат компликации врз здравјето на бебето, во текот на бременоста или при самото породување.

ПРЕПОРАЧАНИ АНАЛИЗИ ВО ВТОР ТРИМЕСТАР ( 13-27 гестациска седмица )

PRISCA – (Prenatal Risk Calculation Software) опфаќа мерење на одредени маркери, кои циркулираат во крвта на мајката и се во директна врска со развојот и благосостојбата на плодот. Добиените вредности, се комбинираат со други значајни параметри како возраста и здравствената состојба на пациентката, како и мерките на плодот направени со ултразвук (гинеколошко ЕХО). По компјутерската пресметка на сите податоци со софтверската програма, се добива крајниот резултат, кој укажува колкав е ризикот да плодот има една од следните аномалии: Даунов синдром, Едвардсов синдром и дефект на неврална цевка.

Разгледај PRISCA брошура

VERAgene/VERACITY –

VERAgene и VERACITY претставуваат најнова генерација неинвазивни пренатални тестoви за генетски нарушувања кај плодот за време на бременоста. Тестовите користат технологија заснована врз најсовремени истражувања и развој во молекуларната генетика и дијагностика.

VERAgene и VERACITY се развиени од извонреден научен тим со над 25-годишно искуство во областа на пренаталната дијагностика, молекуларна медицина, геномика, транскриптомика и биоинформатика.

Валидирани се за едничена, близначка бременост и бремености по пат на вештачко оплодување.Тестовите се целосно безбедни за мајката и нејзиното бебе.Тестовите се преферирани поради нивната точност и висока прецизност од 99%.Може да се направат почнувајќи од 10 недела на бременоста.

За да се изработи VERAgene потребен е примерок од двајцата родители.За да се изработи VERACITY потребен е примерок од мајката.За подетални информации во врска со тестовите и цените посетете ги линковите:

Комплетна крвна слика, хемоглобин и седиментација.

ТРЕТ ТРИМЕСТАР ( 28-40 гестациска седмица )

oGTT (Оral Glucose Tolerance Test) – тестот за толеранција на гликоза помага во дијагностицирање на гестациски дијабет – покачено ниво на гликоза во крвта што се развива за време на бременоста.

Вообичаено, се препорачува бремените жени да направат тест помеѓу 24-та и 28-та недела од бременоста. Тестот може да се направи и порано, доколку се присутни знаци и симптоми на дијабет или постои историја на гестациски дијабет во претходна бременост, секако во консултација со лекар.

Group B Streptococcus – се прави преку брис пред породување, со цел навремено да се спречи можна инфекција, која може да се пренесе на бебето.

Комплетна крвна слика, хемоглобин и седиментација.

Уринокултура (микробиолошки преглед на урина).

Авицена Лабораторија ви овозможува да ги направите сите анализи на едно место!

Соодветните цени на анализите можете да ги погледнете на следниот линк.

Овој текст е од информативен карактер, а наведените анализи се прават со претходна консултација со матичниот гинеколог. Во зависност од здравствената состојба на трудницата, гинекологот може да побара да се направат и дополнителни анализи.

Неплодноста е чест медицински проблем кој влијае на 15% од лицата кои се обидуваат да добијат потомство. Во 30% до 50% од случаите, мажот е главниот фактор за неможноста за зачнување.

Детекција на постоење на генетски причини за машка неплодност овозможува дијагноза на неплодност кај двојки кои се обидуваат да формираат семејство, а освен тоа и давање препораки за понатамошни чекори кои треба да се преземат (техники на вештачко оплодување и соодветно генетско советување).

Сперматогенезата е суштински процес кој се регулира од многу специфични гени лоцирани на Y хромозомот. Повеќето од овие гени се наоѓаат во специфичен регион познат како регион на факторот на азооспермија (AZF) на долгиот крак на човечкиот Y хромозом.

Микроделециите на AZF се препознаваат како најчести структурни хромозомски абнормалности и тие се главната причина за машката неплодност.

Промените во овој регион се поврзани со абнормалности во производство на сперма, а со тоа и до неплодност. Микроделециите на AZF се една од главните причини за азооспермија (целосно отсуство на  сперма во ејакулатот) и тешка олигозооспермија (помалку од 5 милиони сперматозоиди во ејакулатот кај мажите.)

Новиот тест кој се работи во Авицена Лабораторија врши детекција на хромозомски промени-делеции на AZF (AZFa, AZFb, AZFc) на човечкиот Y-хромозом, со помош на RT-PCR метода.

Цена: 4.500 денари

Потребен примерок: крв

Време на изработка: 1 работен ден.

Во стоиме на располагање за дополнителни прашања и информации на 02 3179 001.