0%
Loading ...

Летото е период резервиран за одмор, патувања, базени, плажи и дружење. Но, истовремено е и сезона кога почесто се јавуваат гастроинтестинални инфекции, познати како „стомачни вируси“. Добрата вест е дека со неколку едноставни навики можете значително да го намалите ризикот и безгрижно да уживате во летните денови.

Зошто стомачните инфекции се почести во лето?

Во текот на летото повеќе патуваме, почесто јадеме надвор од дома, храната подолго време е изложена на високи температури, а имаме и повеќе контакт со луѓе. Сите овие фактори придонесуваат вирусите и бактериите полесно да се пренесуваат.

Важно е да се знае дека не секоја стомачна тегоба е предизвикана од ист причинител. Симптомите како дијареја, повраќање, мачнина, грчеви и покачена температура можат да бидат резултат на вирусна, бактериска или поретко габична инфекција.

Дали базените се причина за стомачни инфекции?

Добро одржуваните базени генерално се безбедни за користење. Сепак, одредени микроорганизми можат да се пренесат доколку случајно се проголта контаминирана вода или ако не се почитуваат основните хигиенски правила.

За безгрижно уживање на базен:

  • избегнувајте да голтате базенска вода;
  • истуширајте се пред и по капење;
  • мијте ги рацете пред јадење;
  • доколку имате дијареја, избегнувајте користење базен додека целосно не закрепнете.
  • Патувања и гастроинтестинални инфекции

Промената на средината, различната храна и вода, како и контактот со нови микроорганизми, можат да го зголемат ризикот од стомачни инфекции за време на патувањата.

Неколку едноставни препораки можат да помогнат:

  • пијте безбедна вода;
  • консумирајте добро термички обработена храна;
  • добро измијте ги овошјето и зеленчукот;
  • редовно мијте ги рацете или користете средство за дезинфекција.

Кога е потребно лабораториско тестирање?

Во повеќето случаи симптомите поминуваат за неколку дена со доволен внес на течности, одмор и соодветна исхрана. Сепак, доколку симптомите се силни, траат подолго, се повторуваат или се придружени со висока температура или знаци на дехидратација, потребно е да се консултирате со лекар.

Лабораториското тестирање помага да се утврди точниот причинител, што овозможува навремен и соодветен третман.

Достапни тестови во Авицена Лабораторија

Во Авицена Лабораторија се достапни повеќе анализи за детекција на причинителите на гастроинтестинални инфекции:

  1. Целосен гастроинтестинален пакет – мултиплекс Real-Time PCR за детекција на 17 причинители (6 вируси, 9 бактерии и 2 габички): Norovirus GI и GII, Rotavirus, Adenovirus, Astrovirus, Sapovirus, Salmonella species (вклучувајќи S. enteritidis и S. typhimurium), Shigella species (S. dysenteriae, S. flexneri), Campylobacter species (C. jejuni, C. coli), како и Candida albicans и Candida species.
  2. Панел за вирусни гастроинтестинални причинители – мултиплекс Real-Time PCR за детекција на: Norovirus GI, Norovirus GII, Rotavirus, Adenovirus, Astrovirus и Sapovirus.
  3. Панел за бактериски гастроинтестинални патогени - Real-time multiplex PCR: Campylobacter spp, Clostridium difficile toxin A/B, E. coli O157, Salmonella spp, Shigella spp / Enteroinvasive Escherichia coli (EIEC), stx1/stx2 (Shiga toxin гени) и Yersinia enterocolitica.
  1. Фецес за Rotavirus
  2. Фецес за Rotavirus + Adenovirus
  3. Фецес за Norovirus
  4. Фецес за Norovirus + Rotavirus + Adenovirus
  5. Копрокултура
  6. Clostridium difficile - токсин А и Б во фецес
  7. Фецес за Giardia lamblia и Cryptosporidium
  8. Campylobacter во фецес
  9. Фецес за паразити и протозои

Со современи дијагностички методи, вклучувајќи Real-Time PCR, имунолошки тестови и микробиолошки култури, како и биохемиските анализи, Авицена Лабораторија овозможува брза и прецизна идентификација на причинителот, што е важен чекор кон правилен третман и побрзо закрепнување.

За покомплетна дијагностичка проценка, овие анализи се препорачува да се комбинираат со комплетна крвна слика и CRP, што му помага на лекарот во поставувањето на точна дијагноза и изборот на соодветна терапија. Дополнително, кај пациенти со дијареја, повраќање или знаци на дехидратација, особено кај децата, се препорачува и електролитен статус (натриум, калиум, калциум, магнезиум, бикарбонати и хлориди), со цел проценка на евентуални нарушувања во балансот на електролитите и нивно навремено коригирање.

Уживајте безгрижно во летото

Летните патувања и деновите поминати на базен или плажа треба да останат убав спомен. Со почитување на основните хигиенски навики и навремена лабораториска дијагностика при појава на симптоми на гастроинтестинални инфекции, можно е побрзо да се открие причинителот и навремено да се започне со соодветен третман. На тој начин се скратува времетраењето на инфекцијата и се овозможува побрзо враќање на секојдневните активности и безгрижно уживање во летните денови.