Категорија: Uncategorized

ШТО ПРЕТСТАВУВА HPV?

HPV е име на група на вируси. Постојат околу 40 типови на HPV ( Human papillomavirus) кои се сексуално – преносливи, кои ги зафаќаат половите органи кај мажите и жените. Некои типови HPV (на пример тип 6, тип 11, предизвикуваат прoмени кои се нарекуваат генитални брадавици, додека други типови, кои се нарекуваат високоризични на пример тип 16, тип 18 и други, можат да предизвикаат CIN промени (абнормален раст на клетки) кои водат до развој на карцином на грлото на матката.

КАКО МОЖЕ ДА ДОБИЈАМ ХПВ?

HPV се пренесува со генитален контакт, најчесто преку вагинален или анален сексуален однос. Најголем број од луѓето не знаат дека го имаат вирусот или дека го пренесуваат на својот партнер. Затоа, најчесто не е возможно да се знае кој го пренел вирусот и кога се случила инфекцијата.

ДАЛИ ПОСТОИ ДРУГ НАЧИН ЗА ИНФЕКЦИЈА СО HPV?

Постојат повеќе заблуди околу тоа како може да се добие HPV. Меѓутоа, важно е да се знае дека кондомите не овозможуваат 100% заштита од HPV. Бидејќи вирусот се наоѓа и во кожата околу гениталиите, вирусот многу лесно може да преминe од гениталната регија на мажот во вагината, вулвата или анусот кај жената.

Како HPV предизвикува рак на грлото на матката?

Вирусот на HPV предизвикува абнормален раст на клетките од грлото на матката. Во голем број случаи, HPV исчезнува сам по себе. Меѓутоа кога инфекцијата со HPV трае извесно време, од абнормалните клетки може да се развие карцином (рак на грлото на матката или на други делови на телото).

Дали ракот на грлото на матката може да се (превенира) спречи?

Да. Постојат тестови со кои може да се пронајдат рани знаци, уште пред да се развијат симптомите. На овој начин, проблемот ќе се пронајде и реши уште пред да се равие во карцином. ТАКВИ ТЕСТОВИ СЕ PAP-ТЕСТ И HPV-ТЕСТ.

ШТО Е РАЗЛИКАТА МЕЃУ PAP-ТЕСТ И HPV- ТЕСТ?

И двата теста овозможуваат да се направи скрининг за цервикален карцином. Со PAP-тестот се бараат промените на клетките кои може да доведат до карцином. Со HPV-тестот се бара и детектира вирусот на HPV кој ги предизвикува овие промени.

ДАЛИ ЌЕ ДОБИЈАМ РАК НА ГРЛОТО НА МАТКАТА АКО ИМАМ HPV?

Оние жени кои имаат HPV се препорачува задолжително да ги следат советите и упатствата од нивните гинеколози за соодветно тестирање и третман.

Доколку имате HPV, вашиот гинеколог ќе препорача почести контроли и тестирања, се со цел рано да се најдат евентуалните промени и истите соодветно да се третираат. Затоа, следете ги советите од вашиот гинеколог.

ДОКОЛКУ ИМАМ HPV, ДАЛИ МОЖАМ ДА ОСТАНАМ БРЕМЕНА И ДА РОДАМ ЗДРАВО ДЕТЕ?

Постоењето на HPV не ја намалува шансата за бременост. Типот на HPV кој го имате, не би требало да влијае на здравјето на плодот. Меѓутоа, доколку ви е потребен третман на абнормалните клетки на грлото на матката (предизвикани од HPV), самиот третман може да влијае на шансите за забременување. Секогаш консултирајте се со вашиот гинеколог.

ТЕСТ ЗА ДЕТЕКЦИЈА И ГЕНОТИПИЗАЦИЈА НА HPV ВО АВИЦЕНА ЛАБОРАТОРИЈА

Правилното дијагностицирање на HPV е од огромна важност и е пресудно за понатамошниот третман на пациентот. Во Авицена Лабораторија се работат најсовремени тестови со Multiplex real-time PCR технологија за високосензитивна и специфична молекуларна детекција и генотипизација на HPV вирус (Human papillomavirus). Овој тест претставува единствен квалитативен и семиквантитативен клинички докажан тест препорачан од СЗО за детекција и поединечна генoтипизација на најголем број типови на HPV:

19 ВИСОКОРИЗИЧНИ ТИПОВИ НА HPV (16, 18, 26, 31, 33, 35, 39, 45, 51, 52, 53, 56, 58, 59, 66, 68, 69, 73, 82)

9 НИСКОРИЗИЧНИ ТИПОВИ НА HPV (6,11, 40, 42, 43, 44, 54, 61, 70)

Наведените генотипови на HPV се одговорни за над 97% случаи на цервикална дисплазија и цервикален канцер.

Тестовите се со внатрешна контрола базирана на детекција на human β-globin генот, со што целосно се елиминира можноста за лажно негативни резултати. Тестовите се валидирани и CE сертифицирани, се работат со комплетно автоматизирани Real Time PCR инструменти и се одобрени за дијагностичка употреба.

Примерок: Цервикален и уретрален брис.

ЗА ДОПОЛНИТЕЛНИ ИНФОРМАЦИИ ВО ВРСКА СО ТЕСТОТ КОНСУЛТИРАЈТЕ СЕ СО ВАШИОТ ГИНЕКОЛОГ.

Уринарниот тракт претставува телесен филтер за исфрлање на вишокот течности. Поради самата анатомија на овој систем, жените се особено подложни на бактерии кои можат да го населат уринарниот тракт и да се размножат – резултирајќи во инфекција на уринарните патишта.

Уринарните инфекции се најчесто бактериски инфекции на бубрезите, мочните канали и мочниот меур. Најчест пат на ширење на инфекцијата (90 %) е преку навлегување на бактерии од кожата околу ректумот и гениталиите кон мочниот меур, како добра за развој на бактерии поради присуството на протеини, шеќери и поволна температура.

Причинители:

Многу микроорганизми можат да предизвикаат инфекции на бубрезите и уринарните патишта, но најчесто инфекциите се предизвикани од Грам негативните бактерии (Escherichia coli, Proteus, Klebsiella, Enterobacter, Pseudomonas). Бактеријата Escherichia coli се детектира кај 80% од болните со акутна инфекција на уринарните патишта. Останатите грам негативни бактерии може да предизвикаат акутни инфекции на уринарните патишта кај болните со уринарен катетер, после уролошки интервенции, при присуство на калкули(камчиња) во бубрезите и при опструкција на истекувањето на мокрачата низ уринарните патишта. Бактерии во уринарниот тракт можат да стигнат и преку крвта од друго жариште (хематогена дисеминација на бактериите). Како ризични групи за почесто јавување на уринарни инфекции се болните од дијабет, бремените жени, жените во менопауза поради дефицит на естрогени и сл.

Симптоми:

Најчесто симптимите се изразени во вид на често и болно мокрење, пецкање при мокрење, често се проследени со ноќно мокрење, како и болки во карлицата и грбот. Урината може да биде заматена или со траги од крв.

Дијагноза:

Дијагнозата на уринарните инфекции се поставува со:

– лабораториска анализа на крв и урина

– микробиолошка анализа на урината-уринокултура со антибиограм

– ехо на уринарниот тракт.

Во Авицена Лабораторија се работат сите типови на хемиска анализа на урина и седимент како и микробиолошки анализи: уринокултура со АБ, брисеви за Chlamydia Тrachomatis, Mycoplasma, Ureaplasma итн…) за брза и прецизна дијагноза на уринарни инфекции.

Од исклучителна важност е правилното земање на материјал за микробиолошка анализа на урината. По добро направена локална тоалета на надворешните делови на гениталниот тракт, се зема мала количина од средниот млаз (не првиот) на урината. Садот во кој се собира урината треба да биде стерилен. Примерокот (урината) мора да стигне во лабораторијата за анализа најдоцна за 2 часа.

За анализи при кои се одредува 24h урина (целодневна) треба да испиете 6 до 8 чаши вода ( околу 1.5 L ). Урината може да ја собирате во чисто пластично шише ( најдобро од флаширана вода ). Првото утро на собирање на урината, најпрво комплетно испразнете го мочниот меур, ФРЛЕТЕ ја таа урина и забележете го времето. Собирајте ги СИТЕ примероци на урина во текот на денот и ноќта во пластично шише. Точно 24 часа од почетокот на собирањето, комплетно испразнете го мочниот меур и целата урина додајте ја на претходната количина. Овој последен примерок ја комплетира Вашата 24 часовна урина.

Точната дијагноза е особено значајна бидејќи слични симптоми можат да бидат резултат и на инфекции на гениталните органи. Само Вашиот доктор може да направи разлика и да ја постави точната дијагноза. 

Терапија:

Доколку се утврди бактриска инфекција, лекувањето е со антибиотска терапија на начин и времетраење по совет од Вашиот лекар. После завршувањето на препишаната терапија треба да се направи контролна уринокултура (најмалку по една недела од завршување на терапијата). Ако истата не е стерилна треба да се продолжи со антибиотска терапија, а ако е стерилна лекувањето завршува. Се препорачува и земање на поголема количина на течности (вода) и билни чаеви, намален внес на шеќер и рафинирани јаглени хидрати и добра лична хигиена.

Што е гестациски дијабет?

Гестациски дијабет (или труднички дијабет) претставува посебен тип на дијабет кој се  манифестира со покачено ниво на гликоза во крвта и за прв пат се јавува во текот на бременоста. Вообичаено се јавува во подоцнежните фази на бременоста, често кај жени кои немале историја на дијабет.

Гестацискиот дијабет најчесто се јавува како последица на хормоналните промени за време на бременоста (поточно заради хормони кои се лачат од плацентата), што може да создадат предиспозиција за развој на инсулинска резистенција. Инсулинот е хормон на специфични клетки во панкреасот и овозможува ефикасно искористување на гликозата како гориво (енергија). Кога нивото на инсулин е ниско, или телото не може ефикасно да го користи – поради развиената отпорност на инсулин, тогаш нивото на гликоза во крвта се зголемува.

За разлика од другите видови на дијабет, гестацискиот дијабет не е постојан. Во повеќето случаи, гестацискиот дијабет исчезнува по породувањето, но жените кои имаат гестациски дијабет се изложени на зголемен ризик да го развијат повторно со последователна бременост и да развијат друг тип на дијабет во иднина.

Кои се симптомите на гестациски дијабет?

Најголемиот дел од бремените жени немаат изразени и забележителни симптоми. Со овој тип на дијабет, проблемот е во тоа што бремената жена не ги забележува овие симптоми или ги поврзува со друга состојба. Оттука, голем број гестациски дијабетичари остануваат недијагностицирани.

Најчести симптоми кај гестациски дијабет се:

• Невообичаена жед

• Често и обилно мокрење (за разлика од раната бременост кога мокрењето е често, но оскудно)

• Необичен замор (што понекогаш е тешко да се разликува од вообичаениот труднички замор)

• Покачено ниво на гликоза во урина откриено при рутински тест на урина

Кои жени се изложени на зголемен ризик за развој на гестациски дијабет?

Зголемен ризик од гестациски дијабет имаат бремени жени кои:

• Имаат над 40 години;

• Влегле во бременост со прекумерна тежина или кои значително се здебелиле (повеќе од препорачаното) за време на бременоста;

• Страдаат од висок крвен притисок;

• Ако претходно родиле дете со над 4кг;

• Манифестирале гестациски дијабет во претходната бременост

• Имаат дијабетичари во потесното семејство;

• Имале повеќекратни абортуси, предвремено породување;

Зошто е важно да се направи oGTT тест?

OGTT (Оral Glucose Tolerance Test) или тестот за толеранција на гликоза помага во дијагностицирање на гестациски дијабет – покачено ниво на гликоза во крвта што се развива за време на бременоста.

Вообичаено, се препорачува бремените жени да направат тест помеѓу 24-та и 28-та недела од бременоста. Тестот може да се направи и порано, доколку се присутни знаци и симптоми на дијабет или постои историја на гестациски дијабет во претходна бременост, секако во консултација со лекар.

Како се прави оGTT тест и како да се подготвите?

Пред посетата на лабораторија

Неколку дена пред изведувањето на тестот пациентот треба да биде на урамнотежена исхрана (умерен внес на јаглехидрати) и не би требало да се изложува на поголеми физички напори. Би требало да се прекине со земање на поедини лекови кои влијаат на метаболизмот на гликоза (пр. кортикостероиди, диуретици), но само во договор со лекарот. Тестот се прави со претходна припрема која подразбира гладување од 12-14 часа, пред земањето на примерокот за испитување.

Во лабораторија

Тестот на оптеретување со гликоза се прави во лабораторија, во траење од 120 – 180 минути. За време на изведувањето на самиот тест пациентот треба да мирува, не може да јаде, пие и пуши.

Најпрвин се зема примерок од венска крв за да се одреди нивото на гликоза во серумот на гладно. Откако ќе се измери нивото на гликоза на гладно, на пациентот се дава да испие претходно подготвен раствор од гликоза со позната концентрација, па се мери нивото на гликоза во крвта во одредени временски интервали (после 1 час и после 2 часа). За целото ова време на изведување на тестот, пациентот е потребно да мирува и да седи.

ВАЖНА ИНФОРМАЦИЈА

За пациентите кои сакаат да го направат тестот на оптеретување на гликоза во Авицена Лабораторија потребно е претходно закажување на 02 3179 001 или на приемен пулт во лабораторија.

Тестот се прави од понеделник до петок во лабораторијата во нас. Тафталиџе.

🌏Секој 4-ти февруари, се обележува како светскиот ден на ракот, за да се поттикне поголема свесност за раната превенција, дијагностицирање и лекување, со цел намалување на глобалното влијание на болеста.

🔬Како лидер во лабораториската дијагностика, изминатата година бевме детално посветени за изнаоѓање најнова генерација генетски тестови кои ќе помогнат на пациентите да го предвидвидат ризикот од болеста како и да помогнат на оние пациенти кои веќе се дијагностицирани со рак, да ја дознаат причината за појава на ваквата состојба.

🧬За таа цел, го воведовме новото портфолио тестови за наследни видови рак, кои се изработуваат во нашите лаборатории изминатите 6 месеци. Таканаречените “Presentia” генетски панели, можат да им помогнат на пациентите да добијат најдобра можна дијагностичка услуга, за која не е потребно да ги посетуваат лабораториите во странство, туку отсега тестови од светски размери кои се применуваат во најсовремените медицински центри во светот, се достапни и во нашата лабораторија.

Запознајте ги вашите гени, знајте го вашиот избор!

#WorldCancerDay2023 #Avicenalab

Аврот на текстот: Д-р Мартин Ивановски, специјалист по медицинска биохемија во Авицена Лабораторија

Тироидните анатитела се проверуваат за да помогнат во одредување дијагноза, следење автоимуни болести како и за да се направи разлика помеѓу автоимуните болести од другите болести поврзани со тироидната функција.

Тестовите најчесто ги препорачува вашиот доктор кога резултатите од тироидните хормони укажуваат на тироидна дисфункција.

Постојат повеќе видови тестови за проверка на антителата на тироидната жлезда:

Во овој текст ќе посветиме поголемо внимание на Тиреостимулирачки имуноглобулини (TSI), нивната лабораториската дијагностика и Базедовата болест.

Тиреостимулирачки имуноглобулини (TSI) се врзуваат за рецептори и стимулираат зголемено ниво (продукција) на тироидни хормони што доведува до хипертироидизам.

Симтоми на хипертироидизам:

• Треперење
• Замор
• Потење
• Несоница
• Тахикардија
• Губење на тежина во многу краток период

Тестот за детекција на тиреостимулирачки имуноглобулин TSI се препорачува во следните ситуации:

• Диференцијална дијагноза на етиологија на тиреотоксикоза кај пациенти со нејасни клинички наоди, кај пациенти кај кои се контраиндицирани радиоизотопни скенови на тироидна жлезда (на пр. трудници или доилки), или кај пациенти кај кои скенот е недијагностички.
• Дијагноза на клинички суспектна Базедова болест (на пр. Екстратироидна манифестација на Базедова болест вклучувајќи ендокрин егзофталмус, претибијален микседем итн) кај пациенти со нормални тестови на тироидна функција.
• Одредување на ризик од неонатална тиреотоксикоза кај фетус од бремена жена со активна или претходно активна Базедова болест.
• Диференцијална дијагноза на гестациска тиреотоксикоза наспроти манифестација или рекурентност на Базедова болест во прв триместер.
• Одредување на ризик од релапс на Базедова болест после третман со антитироидни лекови.

Автоимуната тироидна болест се карактеризира со присуство на автоантитела против различни тироидни компоненти, имено тиреотропниот (претходно тиреостимулирачки хормон –TSH) рецептор (TSHR), тироидната пероксидаза (TPO) и тиреоглобулинот (Tg), како и инфламаторен целуларен инфилтрат во тироидната жлезда.

Од сите автоантитела кои може да се детектираат кај автоимуната тироидна болест, тиреотропните рецепторски автоантитела (TSHR) се најблиску поврзани со патогенезата на болеста. Сите форми на автоимуна тиреотоксикоза (Базедова болест, Хашитоксикоза, неонатална тиреотоксикоза) се предизвикани од продукцијата на TSHR стимулирачки автоантитела. Улогата на TPO и Tg автоантителата кај автоимуната тиреотоксикоза или автоимуниот хипотироидизам не се толку добро поврзани, тие може да претставуваа само епифеномен. Детектибилни концетрации на анти-TPO антитела се забележуваат кај повеќето пациенти со автоимуна тироидна болест (на пр. Хашимото тироидитис, идиопатски микседем и Базедова болест).

Автоантителата кои се врзуваат за TSHR рецепторот и вршат трансактивација, доведуват до стимулација на тироидната жлезда независно од тиреотропинската (TSH) стимулација. Овие TSHR автоантитела се познати и како долго дејствувачки тироидни стимулатори или тиреостимулирачки имуноглобулини (TSI). Одреден број на пациенти со Базедова болест имаат TSHR-блокирачки антитела, кои не вршат трансактивација на TSHR. Балансот помеѓу TSI и TSHR-блокирачките антитела, како и нивните индивидуални титри, се смете дека е детерминирачки фактор во одредување на тежината на Базедовата болест. Исто така, кај најмалку 20% од  пациентите со автоимун хипотироидизам има докази и за присуство на TSHR-блокирачки антитела или поретко TSI.

TSHR автоантителата може да се детектираат пред појавата на биохемиска или клиничка манифестација на автоимуна тиреотоксикоза. Бидејќи ниту еден од третманите за Базедова болест не се насочени кон етиолошкиот процес на болеста, туку кон аблација на тироидното ткиво или блокирање на синтезата на тироидни хормони, TSI може да перзистира долго после видливото клиничко излекување. Ова е од особено значење кај бремени жени со историја на Базездова болест кои биле третирани со аблативна терапија на тироидна жлезда. Одреден број од овие жени може да продолжат да продуцираат TSI. Бидејќи TSI се IgG антитела, тие може да ја поминат плацентата и да предизвикаат неонатална тиреотоксикоза.

Сензитивноста и специфичноста на зголемениот TSI за дијагноза на Базедова болест зависи од тоа дали пациентите имаат клинички активна, нетретирана болест или болеста е третирана со антитироидни лекови.

Веројатноста за појава на неонатална тиреотоксикоза е голема ако бремената жена има историја на Базедова болест со висок TSI во последниот триместер, без разлика дали е во статус на ремисија. Помали зголемувања на TSI се само во одредени случаи поврзани со појава на неонатална тиреотоксикоза. Ова е од особена важност за жени кои претходно биле третирани со аблативна терапија на тироидна жлезда или се на активен антитироиден третман, па поради тоа не манифестираат биохемиски или клинички докази за тиреотоксикоза.

Гестациската тиреотоксикоза, која се верува дека е предизвикана како резултат на комбинација на вкрстена реактивност на хуманиот хорионски гонадотропин (HCG) на TSHR рецепторот и транзиторни промени во протеинското врзувањето на тироидниот хормон, не е поврзана со зголемување на TSI. Зголемување на TSI во ова сценарио сугерира присуство на Гравесова болест.

Зголемено TSI после завршување на антитироидниот третман има високо предиктивна вредност за релапс на Гравесовата болест. Меѓутоа, нормален TSI нема предиктивно значење за пролонгирана ремисија.

Месец јануари е посветен на подигнување свесност за болестите на тироидната жлезда! Правете редовни проверки и консултирајте се со вашиот лекар!

Цистичната фиброза е прогресивна, наследна и често, животозагрозувачка болест која предизвикува сериозно оштетување на органите на респираторниот и дигестивниот систем. Се проценува дека повеќе од 70.000 луѓе ширум светот имаат цистична фиброза, a бројката варира на различни континтенти.

Цистичната фиброза е предизвикана од мутации на посебен ген наречен CFTR ген. Иако повеќе од 1700 различни мутации можат да предизвикаат цистична фиброза, приближно 120 се одговорни за повеќето случаи на цистична фиброза. Овие мутации влијаат на движењето на солта и водата во и надвор од клетките кои се одговорни за производство на пот, слуз и дигестивни течности. Кај луѓето со цистична фиброза, овие течности се погусти и лепливи и со тоа ги затнуваат каналите, цевчињата и другите места во организмот каде се каде се излачуваат и со тоа влијаат на функцијата на белите дробови, панкреасот, црниот дроб, цревата и дигестивниот систем.

Луѓето со цистична фиброза може да имаат повеќе симптоми кои варираат во зависност од тежината на болеста. Некои луѓе доживуваат благи до никакви симптоми до адолесценцијата или зрелата возраст. Симптомите може да вклучуваат солена пот, чести респираторни инфекции, кашлица, отежнато дишење, неухранетост и нетолеранција на физичка активност, меѓу другото. Цистичната фиброза може да предизвика континуирани белодробни респираторни инфекции што може да доведат до респираторна инсуфициенција.

Цистичната фиброза е автозомно рецесивно заболување, па затоа се потребни две копии од генетската мутација – по една од секој родител – за да се наследи болеста. Дури и ако родителите самите немаат цистична фиброза, тие би можеле да бидат носители на болеста. Да се биде носител значи дека некој има една копија од генетската мутација. Кога и двајцата родители се носители, постојат 25% шанси детето да се роди со цистична фиброза, 25% шанси детето да не е засегнато и 50% шанси самото дете да биде само носител.

Повеќето земји со висока преваленца на цистична фиброза, употребуваат скрининг тест за новородени кој ги вклучува најчестите мутации на генот CFTR. Неонаталниот скрининг е дел од јавно-здравствената програма на секоја земја чија цел е проверка на новороденчињата за генетски состојби, кратко по раѓањето. Освен тоа, цистичната фиброза може да се дијагностицира на која било возраст со тест за хлориди во пот или со генетски тест.

Постојат повеќе опции за третман кои можат да ги олеснат симптомите и да ги ограничат компликациите кај пациентите со цистипна фиброза. Се користат различни видови лекови, а меѓу најкористените третмани се антибиотиците за спречување на инфекции, антиинфламаторните лекови за намалување на отокот на дишните патишта, лековите за разредување на слузта, лековите за намалување на слузта во телото, земање на панкреатични ензими. Мажите со цистична фиброза можат да користат техники за асистирана репродукција како што е ин витро оплодување, за да го надминат проблемот со неплодноста. Исто така, постојат техники кои помагаат во одржувањето на дишните патишта и белите дробови чисти, како што се вежби за длабоко дишење или дренажа преку уреди за чистење на дишните патишта. Лицата со цистична фиброза, исто така, мора да побараат совет за исхрана, бидејќи имаат проблем со варењето на храната и апсорпцијата на потребните хранливи материи. За луѓето кои имаат поинтензивни симптоми, опциите за третман вклучуваат и хируршки интервенции на зафатените органи.

Модуларната терапија е откритие кое има за цел поправка или корекција на  дефектниот протеин кој е направен од генот CFTR. Бидејќи различните мутации предизвикуваат различни дефекти во протеинот, лековите што се развиени досега се ефикасни само кај луѓе со специфични мутации. Колку порано се дијагностицира цистична фиброза и се спроведе оваа терапија, толку подобра ќе биде прогнозата за засегнатата индивидуа.

Напредокот во медицината им овозможи на луѓето со цистична фиброза сега да живеат многу повеќе од она што било во минатото. Многу институции и истражувачки центри ширум светот работат напорно за нови достигнувања во проучувањето на оваа болест и пронаоѓањето на лекови.

Неонаталниот скрининг Oreana и неинвазивниот пренатален тест VERAgene кој се изработува во Авицена Лабораторија, може да детектира мутации кои го предизвикуваат класичниот фенотип на цистична фиброза заедно со многу други состојби.

Оваа содржина има информативен карактер и не треба да се сфаќа како медицински совет. Секогаш разговарајте со вашиот лекар за вашата состојба.

Прочитајте подетално за Oreana

Прочитајте подетално за VERAgene

Респираторните инфекции се најчестата причина заради која пациентите се јавуваат кај својот матичен лекар. Иако овие инфекции, се јавуваат во текот на целата година, есенско-зимскиот период е сезона кога настинките и посериозните респираторни заболувања се најчести.  

Живееме во време на пандемија со COVID-19, но многу други причинители на заболувања се секаде околу нас и можат да предизвикаат респираторни инфекции и кај возрасните и кај децата.

За соодветен третман на болеста, секогаш е многу важно да се знае вистинскиот причинител на заболувањето, со цел да се делува навремено и насочено со соодветна терапија. Посебно внимание треба да се даде на атипичните предивикувачи на респираторни инфекции, кои не можат да се докажат со класичните микробиолошки методи, туку со техники на имунофлуоресценција и/или молекуларни методи.

Авицена Лабораторија поседува голем асортиман на тестови за детекција и идентификација на различни видови на бактерии и вируси по пат на најразлични методи. Но, најпрво да видиме кои се првите знаци на респираторните инфекции?

КОИ СЕ СИМПТОМИ НА РЕСПИРАТОРНИТЕ ИНФЕКЦИИ?

Според тоа кој дел од дишното стебло го зафаќаат, респираторните инфекции може да бидат горнореспираторни или долнореспираторни инфекции.

Вообичаените симптоми вклучуваат:

• секрет од носот
• затнат нос
• кивање
• кашлање
• гребење, печење или болка во грлото
• болка при голтање
• општа слабост
•  главоболка
•  тешкотии при дишењето

Дополнително можат да се јават и болки во мускулите, лесно покачена или висока температура, мачнина и губење на апетитот. Овие симптоми траат неколку дена, а доколку се јават компликации, и подолго.

КАКО СЕ ПРЕНЕСУВААТ РЕСПИРАТОРНИТЕ ИНФЕКЦИИ?

Респираторните инфекции се пренесуваат преку близок контакт со заболено лице, преку секретот од кивање, кашлање или предметите во непосредната околина на болниот. Ова е особено истакнато во зимскиот период, кога најголем дел од денот се престојува во затворени простории.

Во многу случаи  тешко е да се препознае и идентификува точниот предизвикувач на една респираторна инфекција,  особено кога се работи за мешани инфекции. Освен тоа, симптомите на респираторните инфекции, било да се работи за вирусот на грип, SARS-CoV-2 или друг причинител се многу слични.

КОИ ЛАБОРАТОРИСКИ АНАЛИЗИ ВРШАТ ДЕТЕКЦИЈА НА ПРИЧИНИТЕЛИ НА РЕСПИРАТОРНИ ИНФЕКЦИИ?

Причинители на респираторни инфекции се многу микроорганизми: бактерии, вируси, габички. Дијагнозата секогаш треба да се темели на детален преглед од страна на лекар и секако, точен лабораториски резултат.

Во Авицена Лабораторија се достапни голем број високосензитивни и специфични тестови, наменети за детекција на голем број  причинители на респираторни  инфекц

1.Kласични микробиолошки анализи за детекција на бактерии и габички (брис од грло, брис од нос, микробиолошка анализа на искашлок и др.)

2. Брз тестови за детекција на Influenza A&B

3. Молекуларен PCR тест за COVID-19 ( RT-PCR тест за SARS-CoV-2)

5. PNEUMOSLIDE – тест за истовремена детекција за антитела кон 9 бактерии и вируси, причинители на респираторни инфекции, кои не се детектираат со класичните микробиолошки брисеви. Тестот се работи преку крв, а резултатои се добиваат истиот ден.

6. Молекуларен панел за респираторни инфекци

Високоспецифичен тест со кој одеднаш се детектираат 26 причинители на респираторни инфекции, со резултат во рок од 24 часа.

Овој тест е базиран на високосензитивна молекуларна Real-Time PCR метода, која е супериорна во однос на другите методи и техники, а ги отстранува сите дилеми и сомнежи со само еден тест!

•             Tестот може да се изработи веднаш, уште при појава на првите симптоми

•             Погоден и за деца и за возрасни

•             Aнтибиотската или било која друга терапија не влијаат на резултатот

7. Молекуларен панел за респираторни инфекции

Високоспецифичен тест со кој одеднаш се детектираат 40 причинители на респираторни инфекции, со резултат во рок од 48 часа.

•             Tестот може да се изработи веднаш, уште при појава на првите симптоми

•             Погоден и за деца и за возрасни

Со правилен избор на соодветен тест и консултација со лекар, точно и навремено се дознава што ја предизвикало респираторната инфекција и се дава соодветна терапија. Притоа, се спречува евентуaлен развој на компликации и не се губи драгоцено време и средства.

КАКО СЕ ЛЕКУВААТ РЕСПИРАТОРНИТЕ ИНФЕКЦИИ?

Ако се работи за вирусна инфекција, антибиотици не се потребни! Се земаат лекови кои помагаат да се намали температурата, болката во мускулите, капки за одзатнување на носот и слично, пропратено со одмор и правилна исхрана.

Доколку се работи за бактериска инфекција, се земаат лекови по препорака на лекар, насочени кон соодветниот причинител.

Авицена Лабораторија ви овозможува да ги направите сите анализи на едно место!

Напредокот на науката доведе до развој на широка палета на лабораториски анализи, за секој период од животот на една жена. Лабораториските анализи и услуги се суштинска компонента, бидејќи обезбедуваат важни информации за следењето на здравјето.

Грижата за сопственото тело треба да биде приоритет за секоја жена. Затоа од особена важност се редовните прегледи со цел да се преземат чекори за да се заштити од инфекции и повреди и да се спречат проблеми — вклучително и некои долгорочни здравствени проблеми.

Грижата за здравјето и правењето здрави избори може да помогне да се заштитите себе и вашите најблиски.

ТИРОИДНИ ХОРМОНИ

Хормоните на тироидната жлезда контролираат многу важни процеси во организмот вклучувајќи ја и репродукцијата кај мажите и жените. Во Авицена Лабораторија се врши испитување на сите хормони и антитела поврзани со тироидната жлезда.

РЕПРОДУКТИВНИ ХОРМОНИ, ВАЖНИ ЗА РАМНОТЕЖА ВО РЕПРОДУКТИВНИОТ СИСТЕМ И ФЕРТИЛИТЕТ

• HCG (Хуман хорионски гонадотропин) протеин кој се лачи во ткивото на плацентата и се нарекува хормон на бременоста или тест за потврда на бременост.
• FSH (Фоликулостимулирачки хормон) учествува во контрола на менструалниот циклус и во продукција на јајце клетките во овариумите.
• Прогестерон го регулира менструалниот циклус, а има важна улога во одржување подготовка на матката за бременост.
• LH (Лутеинизирачки хормон) кај женскиот пол стимулира созревање на фоликул и овулација.
• Пролактин го забрзува развојот на дојките во текот на бременоста и го спрема организмот за почеток на лактација (доењето).
• Естрадиол главен полов хормон кај жените, вклучен во бројни процеси во женско репродуктивно здравје.
• AMH (Anti-Müllerian Hormone) претставува параметар за одредување оваријална резерва.

ТЕСТОВИ ЗА ДЕТЕКЦИЈА НА СЕКСУАЛНО ПРЕНОСЛИВИ ИНФЕКЦИИ

Сексуално преносливите болести претставуваат група на заболувања кои доколку не се дијагностицираат и третираат навремено и правилно, може да доведат до компликации. Затоа од голема важност се редовните прегледи кај гинеколог и лабораториските тестови:

• Микробиолошки генитални брисеви
• Целосни гинеколошки пакети
• Генетски тестови за причинители на сексуално преносливи инфекции
• Bioflor – молекуларен PCR тест за дисбаланс на вагинална микрофлора (бактериска вагиноза)
• HPV молекуларна детекција и генотипизација на 28 ниско и високоризични типови на Human Papilomavirus

АВИЦЕНА ЛАБОРАТОРИЈА СО ВАС ВО ТЕКОТ НА ЦЕЛАТА БРЕМЕНОСТ!

Лабораториските анализи и услуги се суштинска компонента во текот на секоја бременост, бидејќи обезбедуваат важни информации за следењето на здравјето на идната мајка и нејзиното бебе. Во Авицена Лабораторија се достапни најголем број на рутински и специфични анализи кои се прават во текот на бременоста, а обезбедуваат корисни информации за здравјето на мајката и бебето.

• Крвна слика
• Анализа на урина
• Уринокултура
• Микробиолошки брисеви
• Инфективен скрининг (TORCH пакер, HIV, Хепатит Б -HBV, Хепатит Ц – HCV)
• Хемостаза ( APTT, PT- Протромбинско време, D-dimer, TT- Тромбинско време)
• PRISCA – Неинвазивен биохемиски пренатален скрининг

*Препорачлив кај секоја трудница

• VERAgene / VERACITY – најнова генерација неинвазивни пренатални тестови за детекција на генетски нарушувања кај плодот за време на бременоста.
• OGTT – гестациски дијабет или скриен шеќер за време на бременост
• Брис за Streptococcus gr.B (GSB)

*Останати анализи по индикација на лекар/гинеколог.

ГЕНЕТСКИ АНАЛИЗИ ЗА НЕПЛОДНОСТ КАЈ ЖЕНИ

Rodinia – Генетски панели за откривање на причината која предизвикува неплодност кај мажи и жени. Rodinia успешно детектира 55 гени кои можат да бидат причинители кои ја предизвикува неплодноста.

ГЕНЕТСКИ АНАЛИЗИ ЗА НАСЛЕДНИ ВИДОВИ РАК КАЈ ЖЕНИ

PreSENTIA

Генетски панели за детекција на мутации кои предизвикуваат наследни видови рак на дојка, јајници и рак на матка.

• PreSENTIA Панел 1: РАК НА ДОЈКА, МАТКА И ЈАЈНИЦИ

Наследен генетски панел кој врши тестирање на 26 мутации на гени кои во иднина би можеле да предизвикаат рак на дојка, јајници или рак на матка.

• PreSENTIA Панел 2: РАК НА ДОЈКА (BRCA1 & BRCA2 МУТАЦИИ)

Наследен генетски панел кој врши детекција на 2 гени – BRCA1/ BRCA2 мутациите кои можат да предизвикаат рак на дојка и јајници.

Со рана детекција PreSENTIA панелите можат да им помогнат на пациентите да донесат подобри и по информирани одлуки во врска со своето здравје.

ТУМОР МАРКЕРИ

Нивното мерење и идентификација е корисно за поставување на дијагнозата, како и за следење на прогресот/текот на болеста и успехот од терапија, заедно со други дијагностички методи.

Доколку имате дополнителни прашања во врска со тестовите, обратете се кај вашиот лекар/ гинеколог или контактирајте нé на lab@avicenalab.com.mk или преку нашиот контакт центар: 02 3179 001.