Автор: anamarija.trenchevska@avicena.com.mk

СИГУРЕН ЧЕКОР ВО БРЕМЕНОСТА

Бременоста е прекрасно патување, а NIFTY тестот е сигурниот прв чекор кон мирна и информирана бременост.
NIFTY тестот е едноставен, безбеден и многу прецизен неинвазивен пренатален тест (NIPT), со кој можете да го проверите ризикот вашето бебе да има некоја од најчестите хромозомски абнормалности како Даунов, Едвардсов, Патау синдром и многу други.

Во текот на бременоста, мал дел од ДНК од плодот природно преминува во крвотокот на мајката. Оваа таканаречена фетална ДНК циркулира заедно со мајчината крв и може да се анализира со помош на NIFTY тестот. Благодарение на тоа, со земање само мал примерок венска крв од мајката, може да се добијат важни информации за здравјето и можни генетски состојби кај плодот – без никаква интервенција врз самата бременост.

Дали е NIFTY за мене?

Бидејќи генетски аномалии можат да се појават во секоја бременост, NIFTY тестот е соодветен за секоја жена, без оглед на возраста или постоечкиот ризик.
Особено може да биде корисен за жени:

– Кои сакаат да ја поминат бременоста со повеќе спокојство,

– Кај кои во семејната историја постојат генетски состојби,

– Kај кои скрининг тестовите во првиот триместар
покажале зголемен ризик од аномалии.

Кога можам да го направам NIFTY тестот?

Тестот се изработува почнувајќи од 10 недела на бременоста.

Достапни Nifty пакети во Авицена Лабораторија:

Nifty Basic/ Basic Twins

Трисомии:
Даунов синдром
Едвардсов синдром
Патау синдром

+ Детекција на пол

Промотивна цена: 19.900 денари

Nifty Plus

Трисомии:
Даунов синдром
Едвардсов синдром
Патау синдром

Анеуплоидии на
полови хромозоми:
Тарнеров синдром
Клинефелтеров
синдром
Троен Х синдром
Јакобсов синдром

Останати автозомални анеуплоидии:
Трисомија 9
Трисомија 16
Трисомија 22

Делеции/ дупликации:
60 синдроми

+ Детекција на пол

Промотивна цена: 24.900 денари

Nifty Pro/ Pro Twins

Трисомии:
Даунов синдром
Едвардсов синдром
Патау синдром

Анеуплоидии на
полови хромозоми:
Тарнеров синдром
Клинефелтеров
синдром
Троен Х синдром
Јакобсов синдром

Останати автозомални анеуплоидии:
Трисомија 9
Трисомија 16
Трисомија 22

Делеции/ дупликации:
92 синдроми

+ Детекција на пол

Промотивна цена: 29.900 денари

Зошто NIFTY тестот е подобар од останатите тестови?

Има повеќе од 99% чувствителност и специфичност за детекција на најчестите трисомии.
Има најповолни цени на пазарот на пренатални тестови.
Погоден е за секоја жена без разлика на возраста.
Тестовите се погодни и за близначки бремености, ин витро оплодување, бремености со донирана јајце-клетка, како и за жени со историја на повторливи спонтани абортуси.
Тестовите се целосно без ризик, за разлика од инвазивните процедури.
Резултатите се добиваат за 7 работни денови

Кивање, течење на нос, кашлица, температура…
Секој од нас барем еднаш си го поставил прашањето:
„Дали е само алергија или нешто посериозно?“

Респираторните симптоми често изгледаат слично, но причините можат да бидат многу различни. Токму тука лабораториските анализи играат клучна улога – тие обезбедуваат сигурен одговор, без нагаѓања.

Зошто симптомите знаат да нè залажат?

Алергијата, настинката, грипот и другите вирусни инфекции можат да имаат преклопувачки симптоми. Само врз основа на чувството или траењето, често е тешко да се постави точна дијагноза.

Лабораториското тестирање е најсигурниот начин да се открие вистинската причина.

Како можеме да ви помогнеме да ја откриете точната состојба?

Алергија

Во лабораторија можеме да утврдиме дали симптомите се резултат на алергиска реакција преку:

• IgE тестирања
• Специфични алергени и панели (пр. респираторни: полен, прашина и др.)

Важно: Алергијата не е заразна и не бара антибиотска терапија – па затоа точната дијагноза е клучна со цел да се избегнат непотребни пеоптоварувања на телото со антибиотици.

Настинка или вирусна инфекција

Со основни лабораториски анализи како:

• Крвна слика
• CRP (Ц-реактивен протеин)

Се добива јасна слика дали станува збор за блага вирусна инфекција или состојба која бара понатамошно следење.

Грип (Инфлуенца А, Б)

Грипот не е „обична настинка“. Во лабораторија може да се:

• Потврди присуство на грип вирус
• Процени тежината на инфекцијата
• Следи воспалителниот одговор на организмот

Раното лабораториско откривање помага за навремен и соодветен третман, особено кај ризични групи.

Предности на лабораториските тестирања

Точна и сигурна дијагноза
Избегнување непотребни терапии
Брзи резултати
Поддршка за лекарите при донесување одлуки
Поголема грижа и сигурност за пациентите

Во нашата лабораторија, секој резултат значи чекор поблиску до вистинското решение.

Кога е време за лабораториски тест?

• Кога симптомите траат подолго од очекуваното
• Кога температурата е висока и упорна
• Кога не сте сигурни дали е алергија или инфекција
• Кога сакате јасен и сигурен одговор

Заклучок

Наместо да погодувате, доверете се на лабораториските тестови.
Точната дијагноза е првиот чекор кон правилен третман и побрзо закрепнување.

Нашата лабораторија е тука за вас – со прецизни анализи, брзи резултати и професионален пристап.

За подетални информации побарајте не на 02 3179 001.

Нашите неинвазивни пренатални тестови NIPT VERAgene и NIPT VERACITY се меѓу најпрецизните тестови за рано откривање генетски нарушувања кај бебето, со висока точност и целосно безбедни за мајката и плодот.

Новитет кој го подобрува пренаталното искуство:
Од сега, двата теста се проширени со уште три дополнителни микроделеции:

• Прадер-Вили синдром
• Ангелман синдром
• Cri-du-chat синдром

Овие три микроделеции претставуваат ретки, но клинички значајни генетски нарушувања, а нивното вклучување им овозможува на идните родители уште поцелосен увид во генетското здравје на нивното бебе.

Цената и сите услови за тестирање остануваат непроменети.
Испитувањето е едноставно, безбедно и се прави од примерок венска крв на мајката, а резултатите ги добивате брзо и сигурно.

Со ова проширување, нашата цел е да обезбедиме уште поголема сигурност, мир и поддршка за секоја бременост.

За сите дополнителни информации, нашиот тим е достапен и подготвен да ви помогне.

Со доаѓањето на есента, воздухот станува посвеж, но за многумина и полн со алергени. Иако пролетта обично се поврзува со поленските алергии, есента носи нови предизвикувачи кои можат да предизвикаат кивање, чешање во очите и кашлица.

Во продолжение ги издвојуваме најчестите есенски алергени и зошто токму во овој период можат да бидат поизразени:

1. Категорија – Корови и треви

Најчести алергени: Пелин, тегавец, мешани треви

Објаснување: Многу корови цветаат во подоцнежните делови од годината и поленот може да предизвика симптоми до доцна есен.

2. Категорија – Габи и мувли

Најчести алергени: Alternaria alternata, Cladosporium, Aspergillus, Penicillium notatum

Објаснување: Влажното време овозможува поголемо размножување на спори од габи, особено во внатрешни простории.

3. Категорија – Домашна прашина и грињи

Најчести алергени: Dermatophagoides pteronyssinus, Dermatophagoides farinae

Објаснување: Со почетокот на грејната сезона, зголемената влажност и престојот во затворени простории ги активираат алергиите на прашина.

4. Категорија – Животински алергени

Најчести алергени: Мачка, куче

Објаснување: Присутни цела година, но симптомите се поизразени во есен кога повеќе време се поминува дома.

Сите овие алергени се испитуваат кај нас во Авицена Лабораторијa, погледни брошура.
Дознајте на што сте чувствителни и олеснете ги вашите есенски денови со навремена дијагностика и совет од стручно лице.

RespiTest е напредно, целосно ребрендирано портфолио на молекуларни респираторни тестови, составено од три специјализирани панели за прецизна и сигурна детекција на широк спектар на причинители на респираторни инфекции:

• RespiTest панелот овозможува идентификација на 26 вирусни и бактериски патогени.
• RespiTest+ панелот е најсеопфатното решение досега на пазарот, со способност за детекција на дури 40 бактериски и вирусни причинители на респираторни инфекции.
• RespiBact е панел наменет исклучиво за детекција на бактериски причинители.

Се работи за високосензитивна молекуларна Real-Time PCR метода, која е супериорна во однос на другите методи и техники, а ги отстранува сите дилеми и сомнежи со само еден тест!

• Tестовите може да се изработат веднаш, уште при појава на првите симптоми
• Погодни и за деца и за возрасни

На располагање се три панели за истовремена детекција на 7, 26 и 40 респираторни вирусни и бактериски патогени со Real-Time PCR метода:

RespiBact 7:

• Bordetella parapertussis (Голема кашлица)
• Bordetella pertussis (Голема кашлица)
• Chlamydophila pneumoniae
• Haemophilus influenzae
• Legionella pneumophila
• Mycoplasma pneumoniae
• Streptococcus pneumoniae

ПРИМЕРОК: брис од грло/нос, искашлок/бронхоалвеоларен лават

Време на издавање резултат: истиот ден

RespiTest 26:

1. Influenza A virus (Flu A) 
2. Influenza A-H1 (Flu A-H1)
3. Influenza A-H1pdm09 (Flu A-H1pdm09) 
4. Influenza A-H3 (Flu A-H3) 
5. Influenza B virus (Flu B) 
6. Respiratory syncytial virus A (RSV A) 
7. Respiratory syncytial virus B (RSV B)
8. Adenovirus (AdV)
9. Enterovirus (HEV)
10. Metapneumovirus (MPV)   
11. Parainfluenza virus 1 (PIV 1)   
12. Parainfluenza virus 2 (PIV 2)   
13. Parainfluenza virus 3 (PIV 3)  
14. Parainfluenza virus 4 (PIV 4)  
15. Bocavirus 1/2/3/4 (HBoV)
16. Coronavirus 229E (229E)   
17. Coronavirus NL63 (NL63)   
18. Coronavirus OC43 (OC43)   
19. Human rhinovirus (HRV)   
20. Bordetella parapertussis (BPP)   
21. Bordetella pertussis (BP)   
22. Chlamydophila pneumoniae (CP)   
23. Haemophilus influenzae (HI)   
24. Legionella pneumophila (LP)
25. Mycoplasma pneumoniae (MP)   
26. Streptococcus pneumoniae (SP)

ПРИМЕРОК: брис од грло/нос, искашлок/бронхоалвеоларен лават

Време на издавање резултат: 24 часа

 RespiTest + 40:

1. Influenza A virus
2. Influenza A-H1
3. Influenza A-H1pdm09
4. Influenza A-H3
5. Influenza B virus
6. Respiratory syncytial virus A
7. Respiratory syncytial virus B
8. Adenovirus
9. Enterovirus
10. Metapneumovirus
11. Parainfluenza virus 1
12. Parainfluenza virus 2
13. Parainfluenza virus 3
14. Parainfluenza virus 4
15. Bocavirus 1/2/3/4
16. Coronavirus 229E
17. Coronavirus NL63
18. Coronavirus OC43
19. Human rhinovirus
20. Bordetella parapertussis
21. Bordetella pertussis
22. Chlamydophila pneumoniae
23. Legionella pneumophila
24. Mycoplasma pneumoniae
25. Streptococcus pneumoniae
26. Streptococcus beta haemolyticus gr A
27. Streptococcus beta haemolyticus gr B
28. Streptococcus beta haemolyticus gr C
29. Streptococcus beta haemolyticus gr F
30. Streptococcus beta haemolyticus gr G
31. Haemophilus influenza
32.  Haemophilus parainfluenzae
33. Staphylococcus aureus
34. Staphylococcus aureus meticillin rezistenten (MRSA)
35. Moraxella catarrhalis
36. Klebsiella pneumoniae
37. Pseudomonas aeruginosa
38. Candida albicans
39. Candida species
40. Aspergillus species

ПРИМЕРОК: 2 бриса од нос и 2 брисa од грло.

Време на издавање резултат: 48 часа

Инфекција so Parvovirus (Парвовирус) најчесто е застапена кај деца и болеста има претежно блага форма. Но, кај некои возрасни, инфекцијата може да биде сериозна. Инфекција со Парвовирус кај некои бремени жени може да доведе до сериозни здравствени проблеми за фетусот. Инфекцијата е исто така посериозна за луѓе со некој вид анемија или кои имаат нарушен имунолошки систем.

Симптоми на Парвовирус кај деца:

• Треска
• Вознемирен стомак
• Главоболка
• Течење на носот
• Карактеристичен осип на образите (неколку дена по појавата на раните симптоми, може да се појави карактеристичен светло црвен осип на образите на вашето дете – обично на двата образи)

Симптоми на Парвовирус кај возрасни
Возрасните обично не развиваат осип на образите. Наместо тоа, најзабележителниот симптом на инфекција со парвовирус кај возрасните е болка во зглобовите, која трае неколку дена до недели. Најчесто болката се јавува на зглобовите на рацете, зглобовите, колената и глуждовите.

Бидејќи вирусот е опасен за трудници и лица со анемии, најдобра заштита е навремена детекција на вирусот. Заштитете ги они кои најмногу ви значат!

Инфекцијата со Parvovirus (Парвовирус) е најчеста кај децата на основно училиште, се шири од човек на човек, исто како и настинката, често преку дишење, кашлање и плунка, така што може да се шири преку близок контакт меѓу луѓето и контакт од рака на рака. Парвовирусната инфекција може да се шири и преку крвта. Инфицираната трудница може да го пренесе вирусот на своето бебе. Болеста е заразна една недела пред да се појави осипот. Откако ќе се појави осипот, вие или вашето дете повеќе не се сметате за заразни и не треба да бидете изолирани.

Со зголемувањето на температурите расте бројот на стомачни инфекции предизвикани од различни типови на вируси и бактерии.

Најчести симптоми на стомачниот вирус се повраќање и дијареа. Кај некои лица се појавува само дијареа, без повраќање. Фазата на повраќање обично трае само 1 – 3 дена, додека дијареата може да продолжи и 1 до 2 недели. Исто така, може да се појави главоболка, треска и абдоминална болка. Во многу ретки случаи стомачните вируси може да предизвикаат и компликации, особено кај лицата со намален имунитет, како што се мозочни и срцеви заболувања, воспаление на бели дробови итн.

Голем број на вируси можат да предизвикаат стомачен вирус или вирусен гастроентеритис, како што се ротавирусот, аденовирусот, астровирусот, норовирус, итн.

Покрај вирусите, како причинител на гастроентеритис може да бидат и бактерии. Кај децата, бактериите се причина за околу 15 отсто од случаите на гастроентеритис. Најчести видови на бактерии предизвикувачи на гастроентеритис се: ешерихија коли (Escherichia Coli)), салмонела (Salmonella), шигела (Shigella), кампилобактер (Campylobacter).

Доколку храната е контаминирана со бактерии и е оставена на собна температура неколку часа, бактериите ќе се размножат и ризикот од инфекција се зголемува за оние што ќе ја консумираат храната. Некои прехранбени производи што обично се поврзани со оваа болест се сирово или недопечено месо, пилешко, морска храна и јајца, сирови никулци, непастеризирано млеко и младо сирење, овошје и зеленчук, сокови од овошје и зеленчук.

Достапни тестови во Авицена Лабораторија за гастроинтестинални заболувања:

Причинител	Метода	Цена
ЦЕЛОСЕН ГАСТРОИНТЕСТИНАЛЕН ПАКЕТ ЗА ДЕТЕКЦИЈА НА 17 ПРИЧИНИТЕЛИ НА ГАСТРОИНТЕСТИНАЛНИ ИНФЕКЦИИ (6 ВИРУСИ, 9 БАКТЕРИИ И 2 ГАБИЧКИ)	Мултиплекс Real-Time PCR	Линк.
ПАНЕЛ ЗА ВИРУСНИ ГАСТРОИНТЕСТИНАЛНИ ПРИЧИНИТЕЛИ: NOROVIRUS G I, NOROVIRUS G II, ROTAVIRUS, ADENOVIRUS, ASTROVIRUS, SAPOVIRUS	Мултиплекс Real-Time PCR	Линк.
ФЕЦЕС ЗА ROTA VIRUS	Имунохроматографија	Линк.
ФЕЦЕС ЗА ROTA + ADENO VIRUS	Имунохроматографија	Линк
ФЕЦЕС ЗА NOROVIRUS	Имунохроматографија	Линк
ФЕЦЕС ЗА NOROVIRUS + ROTAVIRUS + ADENOVIRUS	Имунохроматографија	Линк
КОПРОКУЛТУРА	Културелно	Линк.
РЕКТАЛЕН БРИС	Културелно	Линк.
ФЕЦЕС/РЕКТАЛЕН БРИС ЗА CANDIDA	Културелно	Линк.
CLOSTRIDIUM DIFFICILE – ТОКСИН А И Б,  ВО ФЕЦЕС	Имунохроматографија	Линк.
GIARDIA LAMBLIA И CRYPTOSPORIDIUM ВО ФЕЦЕС	Имунохроматографија	Линк.
CAMPYLOBACTER ВО ФЕЦЕС	Имунохроматографија	Линк.

Што е прееклампсија?

Преeклампсија е состојба која се јавува за време на бременост и резултира со висок крвен притисок, зголемено присуство на протеини во урината и отоци. Се јавува кај бремените жени и тоа најчесто по дваесеттата недела од бременоста. Најчесто се јавува во блага форма која бара редовно следење и контрола на бременоста. Во случај на тешка форма, прееклампсијата може да биде причина за предвремено раѓање. Од голема важност е ваквата состојба веднаш да биде навемето детектирана и третирана, бидејќи во спротивно може да доведе до сериозни компликации по здравјето на мајката и плодот. 

Индикатори на прееклампсија:

Покачувањето на крвниот притисок може да се јави одеднаш дури и кај бремени жени кои немале дотогаш никаков симптом. Затоа, од голема важност се редовните мерења на крвниот притисок. Покрај зголемениот крвен притисок кој е првиот знак за прееклампсија, се јавуваат и зголемено присуство на протеини во урината (протеинурија) и отоци на зглобовите на лицето, рацете и нозете.

Симптоми:

Пропратни симптоми на прееклампсија се чести главоболки, мачнини и нагони за повраќање, нарушена функција на црниот дроб, заматен вид, намалено лачење на урина …Голем дел од симптомите на прееклампсија се всушност симптоми кои се јавуваат и во нормална и здрава бременост (главоболки, отоци, мачнини и сл), па не секогаш значи дека се работи за оваа состојба. Доколку забележите некој од овие симптоми во изразена форма консултирајте се со вашиот гинеколог. 

Превенција

Не постои начин за превенција на прееклампсија, но постојат маркери кои можат да предвидат ризик за развој на прееклампсија како и редовните контроли на крвниот притисок, тежината и редовни анализи на крвта.

Ново во Авицена Лабораторија – маркери за прееклампсија:

Сооднос sFlt-1/PlGF

• PlGF (Placental Growth Factor) – плацентарен фактор на раст

• sFlt-1 (Soluble FMS-like tyrosine kinase-1)

Постојат многу докази кои сугерираат дека прееклампсијата е резултат на нерамнотежа на циркулирачките про-ангиогени фактори, како како васкуларен ендотелен фактор на раст (VEGF) и/или плацентарен фактор на раст (PlGF) и анти-ангиогени фактори како што се растворливиот рецептор-1 на тирозин киназа сличен на fms (sFlt-1), исто така познат како растворлив VEGF рецептор 1).

PlGF има значително  пониска концентрација кај жени кои развиваат прееклампсија, во однос на здрави пациентки. Освен тоа, PlGF е значително понизок кај жени со клинички дијагностицирана прееклампсија.

Спротивно на тоа, нивоата на sFlt-1 остануваат ниски во текот на нормална бременост, додека кај пациенти со преекламспија, нивото на sFlt-1 се зголемува со поголема брзина во циркулацијата во подоцнежните фази на бременоста и останува покачено.

Како резултат на сите овие промени, соодносот sFlt-1/PlGF, исто така значително се зголемува кај пациенти со прееклампсија.

Затоа, во комбинација со клиничките симптоми, соодносот sFlt-1/PlGF се користи во проценка на ризикот од предвремено породување и несакани последици  од прееклампсија и заедно со клиничкиот преглед овозможува навремена дијагноза и  можност за навремен  третман на мајката и детето.

Цена: 4500 денари

Издавање резултати: 24 часа

Потребен примерок: венска крв

Тестот се изработува по 20-та недела од бременоста!

Биби, Боби и омилените зазулчиња го посетија нашето Детско катче, ја запознаа дада Елена и открија мноооогу нови нешта за нашата лабораторија.

Научија повеќе за добрите и оние лошите бактерии, за војската на белите крвни зрцна и за брисот кој како храбар истражувач ги наоѓа бактериите.

Погледнете зошто сите дечиња, дури и Биби и Боби сакаат да доаѓаат во нашата лабораторија.

Затоа што здравјето на децата е нај, нај, најважнооооо…

Ви ја претставуваме можноста за самостојно земање примерок за ХПВ тест во домашни услови со Evаlyn brush. За сите оние дами кои сакаат да ја избегнат непријатноста од преглед кај гинеколог, кои немаат време да закажат термин кај својот доктор, но сакаат веднаш да се тестираат за HPV, сега имаат можност лесно, безбедно и едноставно да го направат тестирањето.

Благодарение на уникатниот дизајн на четката Evalyn, се гарантира доволно и точно земање вагинален клеточен материјал со 99.8% точност како примерок земен од страна на доктор/гинеколог. Четката се користи во 53 земји во светот, отсега за првпат и во нашата земја, достапна во Авицена Лабораторија.  

Се што треба да направите е да ја посетите најблиската Авицена лабораторија, да го подигнете комплетот Evalyn, да земете примерок сами следејќи ги упатствата и да го донесете за обработка во Авицена Лабораторија. Со направен ХПВ тест во Авицена Лабораторија, можете да откриете 28 типови на ХПВ (19 високоризични типови и 9 нискоризични) да го детектирате вашиот ризик за ракот на грлото на матката во рана фаза, и да побарате навремен третман.

Хуман папиломавирус (ХПВ) е најчеста сексуално пренослива инфекција и водечка причина за рак на грлото на матката кај жените. Инфекциите со ХПВ често се асимптоматски и можат да останат „тивки“ многу години пред да почнат да се манифестираат со било какви симптоми. Ова е особено опасно бидејќи, без да имате било какви симптоми може да настанат промени во вашите цервикални клетки, што може да доведе до рак на грлото на матката.

Најдобар начин за спречување на болеста и рано откривање на ракот на грлото на матката е редовниот скрининг за ХПВ вирус. Прочитајте подетално за Evalyn и разгледајте го упатството за употреба на следниот линк.